സുരക്ഷിത ഇടങ്ങളിൽ ഒതുങ്ങിക്കൂടാൻ ഖത്തറിലെ എംബസി യുഎസ് പൗരന്മാർക്കു നിർദേശം നൽകി

ഇറാനുമായുള്ള സംഘർഷം വർധിക്കുന്ന സാഹചര്യത്തിൽ ഖത്തറിലുള്ള അമേരിക്കൻ പൗരന്മാർ ജാഗ്രതയോടെ ഇരിക്കണമെന്നു ദോഹയിലെ യുഎസ് എംബസി നിർദേശിച്ചു. സുരക്ഷിതമായ ഇടം കണ്ടെത്തി അവിടെ തന്നെ കഴിയുക എന്നാണ് നിർദേശം.  

ഏറെ മുൻകരുതൽ എന്ന നിലയിലാണ് ഈ ജാഗ്രതാ നിർദേശമെന്നു എംബസി വ്യക്തമാക്കി. കൃത്യമായ ഭീഷണികളൊന്നും ചൂണ്ടിക്കാട്ടിയില്ല.

ഇറാനിൽ യുഎസ് നടത്തിയ ആക്രമണത്തിനു ശേഷം ലോകമൊട്ടാകെയുള്ള യുഎസ് പൗരന്മാരോട് ജാഗ്രത പാലിക്കാൻ സ്റ്റേറ്റ് ഡിപ്പാർട്മെന്റ് നിർദേശിച്ചിരുന്നു. ഇസ്രയേൽ-ഇറാൻ സംഘർഷം മൂലം ഇടയ്ക്കിടെ ആകാശ അതിർത്തികൾ അടയ്ക്കുകയും വിമാന യാത്രകൾ തടസപ്പെടുകയും ചെയ്യുന്നുണ്ടെന്ന് അവർ ചൂണ്ടിക്കാട്ടി.

യുഎസ് പൗരന്മാർ പ്രതിഷേധ പ്രകടനങ്ങൾ നേരിടാനുളള സാധ്യതയും അവർ ചൂണ്ടിക്കാട്ടിയിരുന്നു.