യുഎസ് വിമാന നിയന്ത്രണങ്ങൾ നീക്കി; സർവീസുകൾ സാധാരണ നിലയിലേക്ക്

വാഷിങ്‌ടൻ ഡി.സി: എയർ ട്രാഫിക് കൺട്രോൾ ജീവനക്കാർ ഡ്യൂട്ടിയിൽ പ്രവേശിച്ചതിനെത്തുടർന്ന് യുഎസ് വിമാന സർവീസുകൾക്ക് ഏർപ്പെടുത്തിയിരുന്ന അടിയന്തര നിയന്ത്രണങ്ങൾ ഫെഡറൽ ഏവിയേഷൻ അഡ്മിനിസ്‌ട്രേഷൻ പിൻവലിച്ചു. റെക്കോർഡ് ദൈർഘ്യമുള്ള സർക്കാർ അടച്ചുപൂട്ടലിനെ തുടർന്നാണ് സുരക്ഷാ കാരണങ്ങളാൽ വിമാന സർവീസുകൾ വെട്ടിച്ചുരുക്കിയിരുന്നത്.

തിങ്കളാഴ്ച രാവിലെ 6 മണി (ET) മുതൽ നിയന്ത്രണങ്ങൾ നീക്കിയതോടെ രാജ്യത്തുടനീളം സാധാരണ വിമാന സർവീസുകൾ പുനരാരംഭിച്ചു. ട്രാൻസ്പോർട്ടേഷൻ സെക്രട്ടറി ഷോൺ ഡഫി, ജീവനക്കാർ ജോലിക്ക് തിരികെ വന്നതിന് പ്രസിഡന്റ് ഡോണൾഡ് ട്രംപിന്റെ നേതൃത്വത്തിന് നന്ദി രേഖപ്പെടുത്തി.