റഷ്യന്‍ ചരക്ക് കപ്പല്‍ യുഎസ് പിടിച്ചടുത്തു , വെനസ്വേലന്‍ എണ്ണ കടത്തിയെന്ന് ആരോപണം

വാഷിങ്ടണ്‍:യു എസ് ഉപരോധം ലംഘിച്ച് വെനസ്വേലയില്‍ നിന്ന് എണ്ണ കടത്തുകയാണെന്നാരോപിച്ച് വടക്കന്‍ അറ്റ്ലാന്റിക് സമുദ്രത്തിലൂടെ പോയ റഷ്യന്‍ പതാക നാട്ടിയ ചരക്കു കപ്പല്‍ യു എസ് സൈന്യം പിടിച്ചെടുത്തു. ആഴ്ചകളോളം പിന്തുടര്‍ന്ന ശേഷമാണ് നാടകീയമായ നീക്കത്തിനൊടുവില്‍ യു എസ് തീരരക്ഷാസേനയും സൈന്യവും ചേര്‍ന്ന് ‘മാരിനേര’ എന്ന കപ്പല്‍ പിടിച്ചെടുത്തത്. ഇതു കൂടാതെ, വെനസ്വേലന്‍ എണ്ണയുമായി ബന്ധമുണ്ടെന്നു കരുതുന്ന എം ടി സോഫിയ എന്ന കപ്പലും കരീബിയന്‍ കടലില്‍ നിന്നും യുഎസ് സൈന്യം പിടിച്ചെടുത്തു.

യുകെ മിലിറ്ററിയുടെ പിന്തുണയോടെയാണ് അയര്‍ലണ്ടിന്റെ 600നോട്ടിക്കല്‍ അടുത്തു നടന്ന ഈ ഓപ്പറേഷന്‍.ആര്‍ എ എഫ് ഈ ഓപ്പറേഷന് സഹായം നല്‍കിയെന്ന് ബ്രിട്ടീഷ് ഡിഫന്‍സ് സെക്രട്ടറി ജോണ്‍ ഹീലി സ്ഥിരീകരിച്ചു.യു എസ് ഫെഡറല്‍ കോടതി പുറപ്പെടുവിച്ച വാറണ്ട് പ്രകാരമാണ് കപ്പല്‍ പിടിച്ചെടുത്തത്. ഉപരോധം തകര്‍ക്കുന്നതിനുള്ള റഷ്യന്‍ ശ്രമങ്ങളുടെ ഭാഗമായാണ് യു കെ ഈ ഓപ്പറേഷനില്‍ പങ്കെടുത്തതെന്നും ഹീലി വ്യക്തമാക്കി.

എണ്ണസമ്പത്ത് സമൃദ്ധമായ ഈ ദക്ഷിണ അമേരിക്കൻ രാജ്യത്തിനുമേൽ അമേരിക്കയുടെ ആധിപത്യം ഉണ്ടെന്നാണ് ട്രംപിന്റെ അവകാശവാദം, എന്നാൽ കാരക്കാസിനെ നിയന്ത്രിക്കുന്ന യാതൊരു വിദേശ ശക്തിയും ഇല്ലെന്നുവെച്ചുള്ള വെനസ്വലയുടെ ഇടക്കാല നേതാവ് ഡെൽസി റോഡ്രിഗസിന്റെ പ്രസ്താവന യാഥാർഥ്യമെന്താണ് സംഭവിക്കുന്നത് എന്നത് സംബന്ധിച്ച അവ്യക്തതയെയാണ് സൂചിപ്പിക്കുന്നത്. ഇതിനിടെയാണ് കപ്പൽ പിടിച്ചെടുക്കൽ വിവാദം.

അതേ സമയം,റഷ്യ, പിടിച്ചെടുക്കലിനെ വിമര്‍ശിച്ചു.1982ലെ യു എന്‍ സമുദ്ര നിയമ കണ്‍വെന്‍ഷന്‍ അനുസരിച്ച്, ഉയര്‍ന്ന കടലുകളിലെ ജലാശയങ്ങളില്‍ നാവിഗേഷന്‍ സ്വാതന്ത്ര്യം അനുവദനീയമാണെന്ന് റഷ്യന്‍ റഷ്യയുടെ ഗതാഗത വകുപ്പ് പ്രസ്താവിച്ചു.മറ്റ് രാജ്യങ്ങളുടെ അധികാരപരിധിയില്‍ കൃത്യമായി രജിസ്റ്റര്‍ ചെയ്ത കപ്പലുകള്‍ക്കെതിരെ ബലപ്രയോഗം നടത്താന്‍ ഒരു സംസ്ഥാനത്തിനും അവകാശമില്ലെന്നും വകുപ്പ് ചൂണ്ടിക്കാട്ടി.

നിയമവിരുദ്ധമായി എണ്ണ കടത്തുന്ന റഷ്യയുടെ ഗോസ്റ്റ് ഫ്ളീറ്റി’ന്റെ ഭാഗമാണ് ഈ കപ്പലെന്നാണ് യു എസിന്റെ ആരോപണം. മുന്‍പ് ‘ബെല്ല 1’ എന്നറിയപ്പെട്ടിരുന്ന ഈ കപ്പല്‍ അടുത്തിടെയാണ് മാരിനേര എന്നു പേരുമാറ്റിയത്.പിന്നീട് റഷ്യയില്‍ രജിസ്റ്റര്‍ ചെയ്തു. ഇറാന്റെ പിന്തുണയുള്ള ലെബനീസ് സായുധസംഘമായ ഹിസ്ബുള്ളയ്ക്കുവേണ്ടി കള്ളക്കടത്തു നടത്തുന്നെന്നാരോപിച്ച് 2024ല്‍ മാരിനേരയെ യു എസ് ഉപരോധിച്ചിരുന്നു.

വെനസ്വേലയില്‍നിന്ന് എണ്ണകടത്താന്‍ ശ്രമിക്കുന്നതിന്റെ പേരിലും ഉപരോധമേര്‍പ്പെടുത്തിയിരുന്നു.വെനസ്വേലയിലേക്കുള്ള യാത്രയ്ക്കിടെ ഡിസംബറില്‍ ഈ കപ്പല്‍ കരിബിയനിലെത്തിയപ്പോള്‍ യു എസ് തീരരക്ഷാസേന കപ്പലില്‍ കയറാന്‍ ശ്രമിച്ചിരുന്നു. എന്നാല്‍, ഇതു തടഞ്ഞ ജീവനക്കാര്‍ കപ്പല്‍ അറ്റ്ലാന്റിക്കിലെ അന്താരാഷ്ട്ര കപ്പല്‍ച്ചാലിലേക്ക് നീങ്ങി. കപ്പലിന്റെ പുറത്ത് റഷ്യന്‍ പതാക പെയിന്റ് ചെയ്യുകയും പേരുമാറ്റുകയും ചെയ്തത് അതിനുശേഷമാണ്.

ഈ കപ്പല്‍ കരീബിയന്‍ കടലില്‍ നിയമവിരുദ്ധമായ പ്രവൃത്തികളിലേര്‍പ്പെട്ടിരിക്കുകയാണെന്ന് യുഎസിന്റെ സതേണ്‍കമാന്‍ഡ് ആരോപിക്കുന്നു.യു എസ് സൈന്യം പിന്തുടരുന്നതിനെത്തുടര്‍ന്ന് കപ്പലിന് സുരക്ഷയൊരുക്കുന്നതിനായി അറ്റ്ലാന്റിക്കില്‍ റഷ്യ യുദ്ധക്കപ്പലുകളും അന്തര്‍വാഹിനിയും വിന്യസിച്ചെന്ന് റിപ്പോര്‍ട്ടുകളുണ്ടായിരുന്നു.

ഡൊണാള്‍ഡ് ട്രംപിന്റെ സമ്പൂര്‍ണ നാവിക ഉപരോധത്തില്‍ നിന്ന് രക്ഷപ്പെട്ടെന്നു കരുതുന്ന കപ്പലാണിതെന്നാണ് യു എസ് നിലപാട്. യു എസ് ഉപരോധം ലംഘിച്ചതിന് കപ്പല്‍ പിടിച്ചെടുത്തതായി യുഎസ് യൂറോപ്യന്‍ സൈനിക കമാന്‍ഡ് സ്ഥിരീകരിച്ചു.മധ്യേഷ്യ മുതല്‍ ഉക്രെയ്ന്‍ വരെ ഭീകരത, സംഘര്‍ഷം, ദുരിതം എന്നിവയ്ക്ക് ഇന്ധനം നല്‍കുന്ന റഷ്യന്‍-ഇറാനിയന്‍ അച്ചുതണ്ടിന്റെ ഭാഗമാണ്.

2022ല്‍ മോസ്‌കോയുടെ ഉക്രെയ്നിലെ പൂര്‍ണ്ണ തോതിലുള്ള അധിനിവേശത്തിനുശേഷം ഏര്‍പ്പെടുത്തിയ ഉപരോധം ഒഴിവാക്കാന്‍ റഷ്യ ഉപയോഗിക്കുന്ന 500 ലധികം കപ്പലുകളില്‍ ഒന്നാണ് ഈ കപ്പല്‍ – മൊത്തത്തില്‍ അവ ഷാഡോ ഫ്ളീറ്റ് എന്നറിയപ്പെടുന്നു.

വടക്കന്‍ അറ്റ്ലാന്റിക്കില്‍ യുഎസ് സേന പിടിച്ചെടുത്ത എണ്ണ ടാങ്കര്‍ സൂപ്പര്‍ ടാങ്കര്‍ എം സോഫിയ വ്യാജ പനാമ പതാകയാണ് ഉപയോഗിച്ചിരുന്നതെന്ന് വൈറ്റ് ഹൗസ് അറിയിച്ചു.ഈ കപ്പലിനെതിരെയും കോടതി ഉത്തരവുണ്ടെന്ന് വൈറ്റ്ഹൗസ് പ്രസ് സെക്രട്ടറി കരോലിന്‍ ലീവിറ്റ് അറിയിച്ചു.

രണ്ട് കപ്പലുകളും യു എസിലേക്ക് കൊണ്ടുപോകുമെന്നും ഇവര്‍ പറഞ്ഞു.യു എസിന്റെ വെനിസ്വേലന്‍ എണ്ണ ഉപരോധത്തിന് ലോകത്തിന്റെ എല്ലായിടത്തും പ്രാബല്യമുണ്ടെന്ന് യു എസ് യുദ്ധ സെക്രട്ടറി പീറ്റ് ഹെഗ്സെത്ത് വ്യക്തമാക്കി.