ഹവല്ലിയിൽ മയക്കു മരുന്ന് വിൽപ്പന: ഡ്രൈവർ അറസ്റ്റിൽ

കുവൈറ്റ്: ഹവല്ലിയിൽ സുരക്ഷാ ഉദ്യോഗസ്ഥർ നടത്തിയ പരിശോധനയിൽ ഹെറോയിൻ വിതരണം നടത്തിയ കേസിൽ ഒരു ഇന്ത്യൻ ഡ്രൈവർ അറസ്റ്റിലായി.

സ്വദേശി കുടുംബത്തിന്റെ കീഴിൽ വീട്ടുജോലിക്കാരനായി (ഗാർഹിക ഡ്രൈവർ) ജോലി ചെയ്യുന്നയാളാണ് അറസ്റ്റിലായതെന്ന് സുരക്ഷാ വൃത്തങ്ങൾ അറിയിച്ചു.

തന്റെ സ്പോൺസറുടെ കാറിലായിരുന്നു ഇയാൾ മയക്കുമരുന്ന് വിതരണം നടത്തിയിരുന്നത്. സുരക്ഷാ വൃത്തങ്ങൾ നൽകുന്ന വിവരമനുസരിച്ച്, പ്രതി മയക്കുമരുന്ന് വിൽപ്പന സുഗമമാക്കുന്നതിന് വേണ്ടി സ്പോൺസറുടെ കാർ ഉപയോഗിച്ചു.

ഇയാൾ ഒരു വെബ്‌സൈറ്റിൽ തിരഞ്ഞെടുക്കുന്ന സ്ഥലങ്ങളിൽ മയക്കുമരുന്ന് വെക്കുകയും, പണം നിക്ഷേപിക്കേണ്ട സ്ഥലങ്ങളെക്കുറിച്ച് ഉപഭോക്താക്കൾക്ക് നിർദ്ദേശം നൽകുകയും ചെയ്യുന്ന രീതിയാണ് പിന്തുടർന്നിരുന്നത്.

പിടിയിലായ ഡ്രൈവറെ തുടർനടപടികൾക്കായി ബന്ധപ്പെട്ട അധികാരികൾക്ക് കൈമാറി.