ബഹ്റൈനിലെ മലയാളി കുടുംബങ്ങളുടെ കൂട്ടായ്മയായ ബഹ്റൈന്‍ മലയാളി കുടുംബം ഇഫ്താര്‍ സംഗമം സംഘടിപ്പിച്ചു

മനാമ : ബഹ്റൈനിലെ മലയാളി കുടുംബങ്ങളുടെ കൂട്ടായ്മയായ ബഹ്റൈന്‍ മലയാളി കുടുംബം (ബിഎംകെ) റമളാന്‍ മാസത്തിലെ പ്രവര്‍ത്തനങ്ങളുടെ ഭാഗമായി തൊഴിലാളികള്‍ക്കൊപ്പം ഇഫ്താര്‍ സംഗമം സംഘടിപ്പിച്ചു. 

അറാദിലെ ഷിപ്പിങ് കമ്പനിയിലെ തൊഴിലാളികളുടെ താമസസ്ഥലത്ത് സംഘടിപ്പിച്ച ഇഫ്താര്‍ സംഗമത്തില്‍ 175 ഓളം തൊഴിലാളികള്‍ പങ്കെടുത്തു.

സഹകരിച്ച എല്ലാവര്‍ക്കും, ബിഎംകെയ്ക്ക് വേണ്ടി ഉപദേശക സമിതി അംഗവും ഇഫ്താര്‍ മീറ്റ് കോ ഓര്‍ഡിനേറ്ററുമായിരുന്ന അബ്ദുല്‍ റഹ്‌മാന്‍ കാസര്‍ഗോഡ്, പ്രസിഡന്റ് ധന്യ സുരേഷ്, സെക്രട്ടറി രാജേഷ് രാഘവ് ഉണ്ണിത്താന്‍, ആക്ടിങ് ട്രെഷറര്‍ പ്രദീപ് കാട്ടില്‍ പറമ്പില്‍ എന്നിവര്‍ നന്ദി അറിയിച്ചു.