കുവൈത്തിൽ മാസം ശരാശരി 3,000 വിദേശികളെ നാടുകടത്തുന്നുവെന്ന് റിപ്പോർട്ട്‌

കുവൈത്ത്: കുവൈത്തിൽ  മാസം ശരാശരി 3,000 വിദേശികളെ നാടുകടത്തുന്നുവെന്ന് റിപ്പോർട്ട്‌ . ഇത് വർഷത്തിൽ ഏകദേശം 36,000 പേർ നാടുകടത്തപ്പെടുന്നതിന് തുല്യമാണ്. ഈ നടപടികൾക്ക് പ്രധാനമായും നിയമലംഘനങ്ങൾ, കുറ്റകൃത്യങ്ങൾ, വിസാ നിയമങ്ങളുടെ ലംഘനം, പൊതുതാൽപര്യത്തിൽ കൈക്കൊള്ളുന്ന ഭരണപരമായ തീരുമാനങ്ങൾ തുടങ്ങിയവയാണ് കാരണങ്ങൾ.

2024-ൽ മാത്രം കുവൈത്ത് ഏകദേശം 35,000 വിദേശികളെ നാടുകടത്തിയതായി റിപ്പോർട്ടുകൾ സൂചിപ്പിക്കുന്നു. കഴിഞ്ഞ നാലു വർഷത്തിനുള്ളിൽ 130,000 വിദേശികൾ കുവൈത്തിൽ നിന്ന് പുറത്താക്കപ്പെട്ടിട്ടുണ്ട്.

കുവൈത്ത് ആഭ്യന്തര മന്ത്രാലയം നാടുകടത്തൽ പ്രക്രിയ വേഗത്തിൽ പൂർത്തിയാക്കുന്നതിൽ ശ്രദ്ധ കേന്ദ്രീകരിക്കുന്നു, സാധാരണയായി മൂന്നു ദിവസത്തിനുള്ളിൽ നടപടിക്രമങ്ങൾ പൂർത്തിയാക്കപ്പെടും.

ഇതിലുടനീളം മാനവിക അവകാശങ്ങൾ പാലിക്കപ്പെടുന്നുവെന്നും, ഭക്ഷണം, ആരോഗ്യ സേവനം നൽകിയിരിക്കുന്നു എന്നും അധികൃതർ വ്യക്തമാക്കിയിട്ടുണ്ട്.

കൂടാതെ, ബയോമെട്രിക് വിരലടയാള സംവിധാനം ഉപയോഗിച്ച് നാടുകടത്തപ്പെട്ടവർ വ്യാജ തിരിച്ചറിയൽ ഉപയോഗിച്ച് വീണ്ടും കുവൈത്തിൽ പ്രവേശിക്കുന്നത് തടയുന്നതിൽ വൻ പുരോഗതിയാണ് ഉണ്ടാക്കിയിരിക്കുന്നത്.

 പ്രത്യേകിച്ച് ഏഷ്യൻ രാജ്യങ്ങളിൽ നിന്നുള്ള ഗാർഹിക ജോലിക്കാർ ഡ്രൈവർമാർ തുടങ്ങിയവർക്കിടയിൽ ഇത്തരം സംഭവങ്ങൾ റിപ്പോർട്ട് ചെയ്തിട്ടുണ്ട്.