ജിലീബിലെ സ്‌കൂളുകളുടെ മോശം അവസ്ഥ: അതൃപ്തി രേഖപ്പെടുത്തി കുവൈറ്റ് വിദ്യാഭ്യാസ മന്ത്രി

കുവൈറ്റ്:  ഫര്‍വാനിയ വിദ്യാഭ്യാസ ജില്ലയുടെ പരിധിയില്‍ വരുന്ന ജലീബ് അല്‍-ഷുയൂഖ് ഏരിയയിലെ താന്‍ പരിശോധിച്ച നിരവധി സ്‌കൂളുകളുടെ അവസ്ഥയില്‍ അതൃപ്തി രേഖപ്പെടുത്തി വിദ്യാഭ്യാസ മന്ത്രി ജലാല്‍ അല്‍ തബ്തബായി.

തിങ്കളാഴ്ച രാവിലെയാണ് മന്ത്രിയുടെ സന്ദര്‍ശനം നടന്നത്. സ്‌കൂളുകളുടെ അവസ്ഥകള്‍ നേരിട്ട് വിലയിരുത്തുന്നതിനും അടിയന്തര ശ്രദ്ധ ആവശ്യമുള്ള മേഖലകള്‍ തിരിച്ചറിയുന്നതിനും വേണ്ടിയാണ് പരിശോധന നടത്തിയത്.

ഒപ്റ്റിമല്‍ വിദ്യാഭ്യാസ അന്തരീക്ഷം പരിപോഷിപ്പിക്കുന്നതിന് ആവശ്യമായ സൗകര്യങ്ങള്‍, അറ്റകുറ്റപ്പണികള്‍, അടിസ്ഥാന സേവനങ്ങള്‍ എന്നിവകൊണ്ട് സ്‌കൂളുകള്‍ സജ്ജീകരിച്ചിട്ടുണ്ടെന്ന് ഉറപ്പാക്കേണ്ടതിന്റെ ആവശ്യകത മന്ത്രി അല്‍-തബ്തബായി ചൂണ്ടിക്കാട്ടി.

പോരായ്മകള്‍ ഉടനടി കണ്ടെത്തി പരിഹരിക്കുന്നതിന് സ്‌കൂളുകള്‍ പതിവായി നിരീക്ഷിക്കാന്‍ വിദ്യാഭ്യാസ അഡ്മിനിസ്‌ട്രേഷനുകള്‍ക്ക്, പ്രത്യേകിച്ച് ഫര്‍വാനിയ വിദ്യാഭ്യാസ വകുപ്പിന് മന്ത്രി നിര്‍ദ്ദേശം നല്‍കി.