ഈദ് അൽ ഫിത്തർ അവധിക്കാല ക്രമീകരണങ്ങൾ വിശദമാക്കി സര്‍ക്കുലര്‍

കുവൈത്ത്: ഈദ് അൽ ഫിത്തർ അവധിക്കാല ക്രമീകരണങ്ങൾ വിശദമാക്കുന്ന സര്‍ക്കുലര്‍ പുറത്തിറക്കി സിവിൽ സർവീസ് കമ്മീഷൻ തലവൻ ഡോ. ഇസ്സാം അൽ റുബയാൻ. സർക്കുലർ അനുസരിച്ച് എല്ലാ മന്ത്രാലയങ്ങളും ഏജൻസികളും പൊതു സ്ഥാപനങ്ങളും ഈ മാസം ഒമ്പത് മുതൽ അവധിയായിരിക്കും.

പതിവ് പ്രവൃത്തി സമയം ഈ മാസം 14 ന് പുനരാരംഭിക്കും. വിശുദ്ധ റമദാനിന്‍റെ അവസാനത്തെ അടയാളപ്പെടുത്തുന്ന ഈദ് അൽ ഫിത്തർ, സർക്കാർ ജീവനക്കാർക്ക് അവരുടെ കുടുംബത്തോടൊപ്പം ആഘോഷിക്കാൻ കഴിയുമെന്ന് ഉറപ്പാക്കാൻ ലക്ഷ്യമിട്ടാണ് എല്ലാ ക്രമീകരണങ്ങളും നടത്തിയിരിക്കുന്നത്.