ഇന്ത്യൻ സ്കൂൾ ബഹ്‌റൈന്റെ മൂന്ന് വർഷത്തേക്കുള്ള ഭരണ സമിതിയെ ഇന്ന് തിര‍ഞ്ഞെടുക്കും

ബഹ്‌റൈൻ: ബഹ്‌റൈനിലെ ഇന്ത്യൻ സമൂഹത്തിന്റെ വിദ്യാലയത്തിൽ ഇന്ത്യൻ സ്കൂൾ ബഹ്‌റൈൻ അതിന്റെ അടുത്ത മൂന്ന് വർഷത്തേക്കുള്ള ഭരണ സമിതിയെ തെരഞ്ഞെടുക്കാനുള്ള വിധിനിർണ്ണയം ഇന്ന്. രാവിലെ 9 മണിക്ക് ഇസാ ടൗണിലെ സ്കൂൾ കാംപസിൽ തിര‍ഞ്ഞെടുപ്പ് ആരംഭിച്ചു. 3 പാനലുകളാണ് ഈ വർഷം വിധിനിർണ്ണയത്തിനായി മാറ്റുരക്കുന്നത്. 

നിലവിലെ ഭരണ സമിതിയായ പ്രോഗ്രസ്സീവ് പാരൻസ് അലയൻസ് (PPA) മുൻ ഭരണ സമിതിയായിരുന്ന യുണൈറ്റഡ് പാരൻസ് പാനലും (UPP) ഒപ്പം ഇന്ത്യൻ സ്കൂൾ പാരൻസ് ഫോറവും (ISPF) തമ്മിൽ ത്രികോണ മത്സരമാണ് നടക്കുന്നത്. 7 അംഗ നിർവാഹക സമിതിയിലേക്ക് 21 സ്ഥാനാർഥികൾക്ക് ഒപ്പം ഒരു സ്വതന്ത്ര സ്ഥാനാർഥിയും മത്സര രംഗത്തുണ്ട്. നാട്ടിലെ തെരഞ്ഞെടുപ്പുകളെ പ്പോലെ തികച്ചും വീറും വാശിയും ക്യാമ്പയിനുകളും ഗൃഹ സന്ദർശനങ്ങളും പോസ്റ്ററുകളും വാട്ട്സ്ആപ്പ് സോഷ്യൽ മീഡിയ പ്രചരണങ്ങൾ കൊണ്ട് രണ്ടാഴ്ചയോളമായി  ഇവിടം സജീവമാണ്.

ഈ കമ്യൂണിറ്റി സ്കൂളിന്റെ നല്ല നടത്തിപ്പിനായി ഉന്നതിക്കായി നമ്മുടെ മക്കളുടെ പഠനനിലവാരം മെച്ചപ്പെടുത്തുന്നതിനുള്ള വിഭവങ്ങൾ ഒരുക്കാൻ കെൽപ്പുള്ള കഴിവും അർഹരുമായവരെ തെരഞ്ഞെടുക്കാൻ വോട്ടവകാശമുള്ള രക്ഷിതാക്കൾ ശ്രമിക്കുക. നന്മയുടെ ഉയർച്ചയുടെ പടവുകൾ തീർക്കാൻ നമുക്കാവണം എന്ന ബോധ്യത്തോടെ സമ്മതിദാനവകശം നിർവഹിക്കുക...