/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/01/03/L519au1TexlCc2sSnC5d.jpg)
കുവൈറ്റ്: വാര്‍ത്താവിതരണ സാംസ്‌കാരിക മന്ത്രിയും യുവജനകാര്യ സഹമന്ത്രിയുമായ അബ്ദുള്‍ റഹ്‌മാന്‍ അല്‍ മുതൈരി മുന്‍കൈയടുത്ത് അടുത്ത ഫെബ്രുവരിയില്‍ കുവൈറ്റില്‍ 'ഗള്‍ഫ് ലെജന്‍ഡ്‌സ്' ടൂര്‍ണമെന്റ് നടത്തുമെന്ന് ഗള്‍ഫ് ഫുട്‌ബോള്‍ അസോസിയേഷന്‍ എക്‌സിക്യൂട്ടീവ് ഓഫീസ് അറിയിച്ചു.
''ഖലീജി സെയ്ന്‍ 26'' പ്രവര്‍ത്തനങ്ങളുടെ ഭാഗമായി ടൂര്‍ണമെന്റ് നടത്താന്‍ പദ്ധതിയിട്ടിരുന്നെങ്കിലും പ്രവര്‍ത്തനങ്ങളോടനുബന്ധിച്ച് ഇത് മാറ്റിവയ്ക്കാന്‍ തീരുമാനിച്ചതായി കുവൈറ്റിലെ ഓഫീസ് നടത്തിയ യോഗത്തിന് ശേഷം ഫെഡറേഷന്‍ വെബ്സൈറ്റില്‍ പ്രസ്താവനയില്‍ പറഞ്ഞു
മേഖലയിലെ മുന്‍നിര ഫുട്‌ബോള്‍ താരങ്ങളുടെ പങ്കാളിത്തം വഴി ഗള്‍ഫ് ഫുട്‌ബോള്‍ പൈതൃകം ഉയര്‍ത്തിക്കാട്ടാനും ടൂര്‍ണമെന്റിന്റെ നിലവിലെ പതിപ്പില്‍ നിന്ന് പഠിച്ച കായിക സാംസ്‌കാരിക അനുഭവം മെച്ചപ്പെടുത്താനും ടൂര്‍ണമെന്റ് ലക്ഷ്യമിടുന്നതായി അദ്ദേഹം കൂട്ടിച്ചേര്‍ത്തു.
മികച്ച സംഘാടനത്തിനും ശക്തമായ മത്സരങ്ങള്‍ക്കും സാക്ഷ്യം വഹിച്ച അസാധാരണ പതിപ്പുകളിലൊന്നാണ് 'ഗള്‍ഫ് സെയിന്‍ 26' എന്നും, അടുത്ത ശനിയാഴ്ച ജാബര്‍ അല്‍-അഹമ്മദ് ഇന്റര്‍നാഷണല്‍ സ്റ്റേഡിയത്തില്‍ നടക്കുന്ന ഒമാനി-ബഹ്റൈന്‍ ദേശീയ ടീമുകള്‍ തമ്മിലുള്ള പ്രതീക്ഷിക്കുന്ന ഫൈനല്‍ മത്സരത്തോടെ അതിന്റെ പ്രവര്‍ത്തനങ്ങള്‍ സമാപിക്കുമെന്നും അദ്ദേഹം ഊന്നിപ്പറഞ്ഞു.
അടുത്ത ശനിയാഴ്ച ജാബര്‍ അല്‍-അഹമ്മദ് ഇന്റര്‍നാഷണല്‍ സ്റ്റേഡിയത്തില്‍ നടക്കുന്ന ടൂര്‍ണമെന്റിന്റെ ഫൈനല്‍ മത്സരത്തില്‍ ഓമാനും ബഹ്റൈനും തമ്മില്‍ ഏറ്റുമുട്ടും.