സക്കീര്‍ ഹുസൈന്‍ തുവ്വൂരിന് ഐഎംസിസി കുവൈത്ത് യാത്രയയപ്പ് നല്‍കി

കുവൈത്ത്: പ്രവാസ ജീവിതം അവസാനിപ്പിച്ചു നാട്ടിലേക്ക് പോവുന്ന കുവൈത്തിലെ സാമുഹൃ സന്നദ്ധ പ്രവര്‍ത്തകനും കെ ഐ ജിയുടെ മുതിര്‍ന്ന നേതാവുമായ സക്കീര്‍ ഹുസൈന്‍ തുവ്വൂരിനു 'ഐ എം സി സി' കുവൈറ്റ്  യാത്രയയപ്പ് നല്‍കി. 

ഇരുപത്തിയാറ് വര്‍ഷത്തെ പ്രവാസം ജീവിതത്തില്‍ ഐ എം സി സി പോലുള്ള സംഘടനകളോട് സഹകരിക്കാന്‍ സാധിച്ചതിലും നിലപാടുകള്‍ ഉയര്‍ത്തിപ്പിടിച്ചു ഐ എം സി സി പ്രവര്‍ത്തിക്കുന്നതിലും അദ്ദേഹം സന്തോഷം പങ്കുവെച്ചു

കുവൈത്തിലെ സംസ്‌കാരിക വേദികളിലെ വേറിട്ട രീതിയിലുള്ള പ്രഭാഷണവും, പെരുമാറ്റവും സക്കീര്‍ ഹുസ്സൈന്റെ വലിയ പ്രത്യേകതകളായിരുന്നുവെന്ന് ആശംസകള്‍ നേര്‍ന്നു സംസാരിച്ചവര്‍ പറഞ്ഞു. 

ഐംഎംസിസി പ്രസിഡണ്ട് ഹമീദ് മധൂറും ജ:സെക്രട്ടറി ഷെരീഫ് താമശ്ശേരിയും ചേര്‍ന്ന് ഉപഹാരം കൈമാറി. ഐ എം സി സി ജി സി സി കമ്മിറ്റി രക്ഷാധികാരി സത്താര്‍ കുന്നില്‍ ഉല്‍ഘാടനം ചെയ്തു

അബൂബക്കര്‍ എ ആര്‍ നഗര്‍, ഹാരിസ് പൂച്ചക്കാട്, റഷീദ് ഉപ്പള, മുനീര്‍ തിരക്കരിപ്പൂര്‍, ഇല്യാസ് പള്ളിക്കര എന്നിവര്‍ സംസാരിച്ചു.