കേര മഴവില്ല് - 2025: കുവൈറ്റിലെ കുട്ടികൾക്കായി ചിത്രരചനാ മത്സരം

കുവൈറ്റ്: കുവൈറ്റ് എറണാകുളം റെസിഡൻസ് അസോസിയേഷൻ (കേര) കുട്ടികൾക്കായി എല്ലാ വർഷവും സംഘടിപ്പിക്കുന്ന ചിത്രരചനാ മത്സരം, 'മഴവില്ല് - 2025', സെപ്റ്റംബർ 19-ന് നടക്കും. അബ്ബാസിയ യുണൈറ്റഡ് ഇന്ത്യൻ സ്കൂളിൽ ഉച്ചയ്ക്ക് 3:30 മുതലാണ് മത്സരങ്ങൾ ആരംഭിക്കുക.

കുട്ടികളിലെ കലാപരമായ കഴിവുകളെ പ്രോത്സാഹിപ്പിക്കുക എന്ന ലക്ഷ്യത്തോടെയാണ് 'കേര' ഈ പരിപാടി സംഘടിപ്പിക്കുന്നത്. മത്സരങ്ങൾ സബ്-ജൂനിയർ, ജൂനിയർ, സീനിയർ എന്നിങ്ങനെ മൂന്ന് വിഭാഗങ്ങളിലായാണ് നടത്തുന്നത്.

വിജയികൾക്ക് സമ്മാനങ്ങൾ പിന്നീട് 'കേര'യുടെ ഓണാഘോഷ പരിപാടിയിൽ വെച്ച് വിതരണം ചെയ്യും.
മത്സരത്തിൽ പങ്കെടുക്കാൻ ആഗ്രഹിക്കുന്നവർക്ക് സൗജന്യമായി രജിസ്റ്റർ ചെയ്യാം.

 കൂടുതൽ വിവരങ്ങൾക്കും രജിസ്‌ട്രേഷനും താഴെ പറയുന്ന നമ്പറുകളിൽ ബന്ധപ്പെടാവുന്നതാണ്:

 * 65557002
 * 60706276
 * 94079775
 * 90063786