കുവൈറ്റിലെ അല്‍-ഷാബ് പ്രദേശത്ത് സുരക്ഷാ ക്യാമ്പെയ്ന്‍. നിരവധി നിയമ ലംഘനങ്ങള്‍ പിടികൂടി

കുവൈറ്റ്:  ഒന്നാം ഉപപ്രധാനമന്ത്രിയും പ്രതിരോധ മന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസഫ് സൗദ് അല്‍-സബാഹിന്റെ നേരിട്ടുള്ള മേല്‍നോട്ടത്തില്‍ വ്യാഴാഴ്ച അല്‍-ഷാബ് പ്രദേശത്ത് വ്യാപകമായ സുരക്ഷാ ക്യാമ്പെയ്ന്‍ നടത്തി.

ട്രാഫിക്, ഓപ്പറേഷന്‍ മേഖല, സ്‌പെഷ്യല്‍ സുരക്ഷ വിഭാഗങ്ങള്‍ സംയുക്തമായി നടത്തിയ ഈ ക്യാമ്പെയ്ന്‍ 1,324 ട്രാഫിക് നിയമലംഘനങ്ങള്‍ക്ക് പിഴ ചീട്ടുകള്‍ തയ്യാറാക്കുകയും മയക്കുമരുന്നുകള്‍ ഉള്ള 6 വാഹനങ്ങള്‍ പിടികൂടുകയും ട്രാഫിക് നിയമലംഘനങ്ങള്‍ക്ക് 5 വാഹനങ്ങളും മോട്ടോര്‍ സൈക്കിളുകളും പിടിച്ചെടുക്കുകയും ചെയ്തു

കൂടാതെ വാറണ്ടുള്ള 8 പേരെയും താമസ നിയമങ്ങള്‍ ലംഘിച്ച 1 ആളെയും തിരിച്ചറിയല്‍ രേഖകളില്ലാത്ത 2 പേരെയും പിടികൂടി. ഒപ്പം ഒരു വഴക്കില്‍ പെട്ട ഒരു വ്യക്തിയെ 3 ഒളിച്ചോട്ട കേസുകള്‍, നിയമപ്രശ്‌നങ്ങളുമായി ബന്ധപ്പെട്ട 8 വാഹനങ്ങള്‍, മയക്കുമരുന്ന് ഉള്ള ഒരു വാഹനം എന്നിവയും പിടിച്ചെടുത്തു.

ആഭ്യന്തര മന്ത്രാലയം രാജ്യത്ത് സുരക്ഷയും ട്രാഫിക് നിയമം നടപ്പാക്കാനും കുറ്റവാളികളെ പിടികൂടാനും ഇത്തരത്തിലുള്ള ക്യാമ്പെയ്നുകള്‍ തുടരുമെന്ന് ഉറപ്പാക്കി

നിയമലംഘനങ്ങള്‍ റിപ്പോര്‍ട്ട് ചെയ്യാന്‍ പൗരന്മാര്‍ സുരക്ഷാ ഉദ്യോഗസ്ഥരുമായി സഹകരിക്കുകയും 112 എമര്‍ജന്‍സി നമ്പറിലൂടെ വിവരങ്ങള്‍ കൈമാറുകയും ചെയ്യണമെന്ന് മന്ത്രാലയം അഭ്യര്‍ത്ഥിച്ചു.