കുവൈറ്റ് വിമാനത്താവളത്തിൽ മദ്യവും മയക്കു മരുന്നും പിടികൂടി

കുവൈറ്റ്: കുവൈറ്റ് അന്താരാഷ്ട്ര വിമാനത്താവളത്തിൽ കസ്റ്റംസ് നടത്തിയ പരിശോധനയിൽ  മയക്കുമരുന്ന് ശേഖരം പിടികൂടി. രാജ്യത്തേക്ക് പ്രവേശിക്കാൻ ശ്രമിച്ച യാത്രക്കാരിൽ നിന്നാണ് വിവിധ തരം മദ്യങ്ങളും മയക്കുമരുന്നു ലഹരിവസ്തുക്കളും പിടികൂടിയത്.

കസ്റ്റംസ് ഉദ്യോഗസ്ഥർ നടത്തിയ ഊർജ്ജിത പരിശോധനകളുടെ ഭാഗമായാണ് ഈ കണ്ടെത്തൽ. കൃത്യമായ നിരീക്ഷണത്തിലൂടെയും രഹസ്യ വിവരങ്ങളുടെ അടിസ്ഥാനത്തിലുമാണ് കസ്റ്റംസ് ഈ വിജയകരമായ ഓപ്പറേഷൻ നടത്തിയത്.

പിടിയിലായ കള്ളക്കടത്തുകാരെയും അവരിൽ നിന്ന് പിടിച്ചെടുത്ത ലഹരിവസ്തുക്കളും കൂടുതൽ നിയമനടപടികൾക്കായി ബന്ധപ്പെട്ട അധികാരികൾക്ക് കൈമാറിയതായി കസ്റ്റംസ് അധികൃതർ അറിയിച്ചു.

രാജ്യത്തേക്ക് ലഹരിവസ്തുക്കൾ കടത്തിക്കൊണ്ടുവരുന്നതിനെതിരെ കർശന നടപടികൾ തുടരുമെന്ന് കസ്റ്റംസ് വൃത്തങ്ങൾ വ്യക്തമാക്കി. ഈ വർഷം കുവൈറ്റ് വിമാനത്താവളത്തിൽ നടക്കുന്ന ശ്രദ്ധേയമായ ലഹരിമരുന്ന് വേട്ടകളിൽ ഒന്നാണിത്.