കുവൈറ്റിലെ അഗ്നിബാധ: ജിദ്ദയിലെ പത്തനംതിട്ട ജില്ലാ സംഗമം അനുശോചനം രേഖപ്പെടുത്തി

ജിദ്ദ: കുവൈറ്റിലെ ഫ്ലാറ്റിലുണ്ടായ അഗ്നിബാധയിൽ മലയാളികൾ ഉൾപ്പടെയുള്ളവർ ദാരുണമായി മരിക്കുവാനിടയായ സംഭവത്തിൽ പത്തനംതിട്ട ജില്ലാ സംഗമം അതീവ ദുഃഖം രേഖപെടുത്തി.  

ഈ ദാരുണ സംഭവം ഇല്ലാതാക്കിയത് ഒരുപാട് കുടുംബങ്ങളുടെ പ്രതീക്ഷയേയും ജീവിത സ്വപനങ്ങളെയുമാണെന്നും, സന്തപ്ത കുടുംബാംഗങ്ങളുടെ ദുഃഖത്തിൽ പങ്കു ചേരുകയും, മരണപ്പെട്ടവർക്ക്  ആദരാഞ്ജലികൾ അർപ്പിക്കുകയും ചെയ്യുന്നതായും ഭാരവാഹികൾ അറിയിച്ചു.