കുവൈത്തിൽ വാഹന മോഷണ ഗ്യാങിനെ ആഭ്യന്തര മന്ത്രാലയം പിടികൂടി

കുവൈത്ത്: കുവൈത്തിൽ പ്രവർത്തിച്ചുകൊണ്ടിരുന്ന വാഹന മോഷണ ഗ്യാങിനെ ആഭ്യന്തര മന്ത്രാലയം പിടികൂടി.

മോഷണത്തിനായി ആധുനിക ഉപകരണങ്ങൾ ഉപയോഗിച്ചിരുന്നതായി കണ്ടെത്തിയ ഈ രണ്ടു അംഗ സംഘത്തിൽ ഒരു പുരുഷനും  ഒരു സ്ത്രീയും ഉൾപ്പെടുന്നു.

പ്രതികൾ വാഹനങ്ങൾ മോഷ്ടിച്ച് കുറച്ച് നേരം ഉപയോഗിച്ചതിന് ശേഷം അവയുടെ അകത്തുള്ളവ കൊള്ളയടിച്ച് ഉപേക്ഷിക്കുകയായിരുന്നു. പതിവ് അന്വേഷണം നടക്കുന്നതിനിടയിൽ ഇരുവരും 22 മോഷണ കേസുകളിൽ ഉൾപ്പെട്ടതായി സമ്മതിച്ചതായി അധികൃതർ അറിയിച്ചു

ഇതിനകം 15 മോഷ്ടിക്കപ്പെട്ട വാഹനങ്ങളും വിവിധ മോഷണ സാധനങ്ങളും  കണ്ടെടുത്തിട്ടുണ്ട്.
പ്രതികളെ നിയമ നടപടികൾക്കായി ബന്ധപ്പെട്ട അധികാരികൾക്ക് കൈമാറിയതായി ആഭ്യന്തര മന്ത്രാലയം വ്യക്തമാക്കി.

 കുറ്റകൃത്യങ്ങൾക്കെതിരെ ശക്തമായ നിലപാട് സ്വീകരിക്കുമെന്ന് മന്ത്രാലയം ഉറപ്പു നൽകിയതിനൊപ്പം, ശങ്കജനകമായ പ്രവൃത്തികൾ പൊതുജനങ്ങൾ അടിയന്തിര ഹോട്ട്ലൈൻ 112-ലൂടെ റിപ്പോർട്ട് ചെയ്യണമെന്ന് അഭ്യർഥിച്ചു.