നഗരത്തിലെ വിവിധ ഭാഗങ്ങളിൽ സ്ഥാപിച്ചിരുന്ന താൽക്കാലിക ടെന്റുകൾ നീക്കം ചെയ്ത് കുവൈത്ത് മുനിസിപ്പാലിറ്റി

കുവൈത്ത്: നഗരത്തിലെ വിവിധ ഭാഗങ്ങളിൽ സ്ഥാപിച്ചിരുന്ന താൽക്കാലിക ടെന്റുകൾ (ക്യാമ്പ്, കുടിലുകൾ, മറ്റ് അസ്ഥിര ഘടനകൾ) നീക്കം ചെയ്യാനുള്ള നടപടികൾ കുവൈത്ത് മുനിസിപ്പാലിറ്റി ആരംഭിച്ചു.

ഉടമകൾക്ക് നിശ്ചയിച്ചിരുന്ന കാലാവധി അവസാനിച്ചതിനാൽ ആണ് നടപടി ശക്തമാക്കിയതെന്ന് അധികൃതർ അറിയിച്ചു.

മുന്നറിയിപ്പ് നൽകിയിരുന്നിട്ടും താൽക്കാലിക ടെന്റുകൾ നീക്കം ചെയ്യാത്തവർക്കെതിരെ ശക്തമായ നിയമനടപടികൾ സ്വീകരിക്കുമെന്നും മുനിസിപ്പാലിറ്റി മുന്നറിയിപ്പ് നൽകി.

പൊതുസ്ഥലങ്ങൾ അനധികൃതമായി കൈവശം വയ്ക്കുന്നതും, നഗരസൗന്ദര്യത്തിന് ഭീഷണിയായിത്തീരുമെന്നുമാണ് അധികൃതരുടെ വിശദീകരണം.

മുനിസിപ്പാലിറ്റിയുടെ നിയന്ത്രണങ്ങൾ ലംഘിച്ചാൽ കർശന ശിക്ഷ ഏർപ്പെടുത്തും. സാമൂഹ്യ സുരക്ഷയും നഗരസൗന്ദര്യവും കണക്കിലെടുത്താണ് ഈ നടപടി.

താൽക്കാലിക ടെന്റുകൾ ഉപയോഗിക്കുന്നവർ നിയമാനുസൃതമായുള്ള നിർദ്ദേശങ്ങൾ പാലിക്കണമെന്നും, അനധികൃതമായി സ്ഥാപിച്ചിട്ടുള്ളവ ഉടൻ നീക്കം ചെയ്യണമെന്നും കുവൈത്ത് മുനിസിപ്പാലിറ്റി ആവശ്യപ്പെട്ടു.