കുവൈറ്റിലെ അബ്ദുല്‍ അസീസ് അല്‍ സതാരി കൊലക്കേസ്: പ്രതിയുടെ വധശിക്ഷ ശരിവച്ചു

കുവൈറ്റ്:  അബ്ദുല്‍ അസീസ് അല്‍ സതാരിയെ കൊലപ്പെടുത്തിയ കേസില്‍ ഭരണകക്ഷിയായ കുടുംബാംഗത്തിന് ചുമത്തിയ വധശിക്ഷ അപ്പീല്‍ കോടതി ശരിവച്ചു.

ഏപ്രില്‍ 10 ന് വൈകുന്നേരം മുബാറക് അല്‍-കബീര്‍ ഗവര്‍ണറേറ്റിലാണ് കൊലപാതകം നടന്നത്. അബ്ദുല്‍ അസീസ് അല്‍സാതാരിയെ വീടിന് മുന്നില്‍ വച്ച് വെടിവച്ചു കൊലപ്പെടുത്തുകയായിരുന്നു. 

കൊലപാതകത്തിന് ശേഷം പ്രതി രക്ഷപ്പെട്ടിരുന്നു. ആഭ്യന്തര മന്ത്രാലയത്തിലെ ക്രിമിനല്‍ സെക്യൂരിറ്റി സെക്ടറിലെ ഉദ്യോഗസ്ഥര്‍ പ്രതിയെ അറസ്റ്റ് ചെയ്യുകയും കുറ്റകൃത്യത്തിന് ഉപയോഗിച്ച ആയുധം കണ്ടെടുക്കുകയും ചെയ്തിരുന്നു.