തീവ്ര നടപടികളിലൂടെ രാജ്യത്തേക്കുള്ള മയക്കുമരുന്ന് പ്രവാഹം 90% കുറച്ചു: കുവൈറ്റ് ആഭ്യന്തര മന്ത്രി

കുവൈറ്റ്: മയക്കുമരുന്ന് കടത്തുകാർക്കെതിരെ ഒരു 'യഥാർത്ഥ യുദ്ധം' പ്രഖ്യാപിച്ചിരിക്കുകയാണെന്നും, തീവ്രമായ നടപടികളിലൂടെ ഈ വർഷം രാജ്യത്തേക്ക് കടത്തുന്ന മയക്കുമരുന്നിൻ്റെ അളവ് കഴിഞ്ഞ വർഷത്തെ അപേക്ഷിച്ച് 90 ശതമാനം കുറയ്ക്കാൻ ആഭ്യന്തര മന്ത്രാലയത്തിന് സാധിച്ചുവെന്നും ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് അൽ-യൂസഫ് അൽ-സബാഹ് അറിയിച്ചു.

അഡിക്ഷൻ ട്രീറ്റ്‌മെൻ്റ് സെൻ്ററിലെ നവീകരിച്ച പത്താമത്തെ വാർഡിൻ്റെ ഉദ്ഘാടന ചടങ്ങിൽ സംസാരിക്കുകയായിരുന്നു മന്ത്രി.

മയക്കുമരുന്ന് കടത്തിനെതിരെ കർശനമായ ശിക്ഷകൾ ഉൾക്കൊള്ളുന്ന ഒരു പുതിയ നിയമം ഉടൻ പുറത്തിറക്കുമെന്നും അദ്ദേഹം സൂചിപ്പിച്ചു.

ഈ നിയമത്തിൽ, മയക്കുമരുന്ന് കടത്തുകാർക്ക് വധശിക്ഷ നൽകുന്നതിനുള്ള വ്യവസ്ഥകളും ഉൾപ്പെടുന്നുണ്ടെന്നും അദ്ദേഹം കൂട്ടിച്ചേർത്തു.