കുവൈത്ത് കേരള ഇസ്ലാഹീ സെന്റർ ക്വുർആൻ പരീക്ഷ വിജയികളെ പ്രഖ്യാപിച്ചു

കുവൈത്ത്: കുവൈത്ത് കേരള ഇസ്ലാഹി സെൻ്റർ ക്യു.എച്ച്.എൽ.സി വിഭാഗം വിശുദ്ധ ഖുർആനിലെ അഞ്ചാം അദ്ധ്യായം സൂറത്ത് മാഇദ  ആസ്പദമാക്കി കുവൈത്തിലെ  ഇരുപത്തി ഒന്ന് സെന്ററുകളിലായി  നടത്തിയ ക്വുർആൻ പരീക്ഷ വിജയികളെ പ്രഖ്യാപിച്ചു.

നൂറുക്കണക്കിന് ആളുകൾ പങ്കെടുത്ത വിജ്ഞാന പരീക്ഷയിൽ മുപ്പത്തി മൂന്നു പേർ മുഴുവൻ മാർക്കോടു കൂടി വിജയിച്ചു, അതിൽ നിന്നും നറുക്കെടുപ്പിലൂടെ പുരുഷന്മാരിൽ നിന്നും, സ്ത്രീകളിൽ നിന്നും ആറു  പേരെ  തിരഞ്ഞെടുത്തു. 

പുരുഷന്മാരിൽ നിന്നും അബ്ദുൽ മജീദ് കെ.സി ഫാർവാനിയ സൗത്ത്, അദ്നാൻ മുഹമ്മദ് അഷറഫ് ഫർവാനിയ നോർത്ത്, യൂസുഫ് കെ കെ മംഗഫ്  എന്നിവരെയും സ്ത്രീകളുടെ വിഭാഗത്തിൽ നിന്നും തെസ്ലീന സൽമിയ, സീനത്ത് അബ്ബാസിയ ഈസ്റ്റ്, തെജ്മ അബ്ബാസിയ വെസ്റ്റ് എന്നിവരെയും തിരഞ്ഞെടുത്തു.

ഇസ്ലാഹീ സെന്റർ ഹവല്ലി യൂണിറ്റിന്റെ നേതൃത്വത്തിൽ ഷാബ് മസ്ജിദ് രിഫായിയിൽ സംഘടിപ്പിച്ച തർബിയത്ത് ക്യാമ്പിൽ വെച്ച് സെന്ററിന്റെ ആക്ടിങ് പ്രസിഡന്റ് സി.പി.അബ്ദുൽ അസീസ് വിജയികളെ പ്രഖ്യാപിച്ചു.  

ക്യു.എച്ച്.എൽ.സി വിഭാഗം സെക്രെട്ടറിമാരായ ഷബീർ സലഫി, നഹാസ് അബ്ദുൽ മജീദ് എന്നിവർ നേതൃത്വം നൽകി.