ഇൻകാസ് കുവൈറ്റ് കെ. കരുണാകരൻ, പി. റ്റി. തോമസ് അനുസ്മരണം സംഘടിപ്പിച്ചു

കുവൈറ്റ്‌: ഇൻകാസ് കുവൈറ്റിന്റെ നേതൃത്വത്തിൽ മുൻ മുഖ്യമന്ത്രി ലീഡർ കെ. കരുണാകരന്റെയും, മുൻ എം.എൽ.എ പി. റ്റി. തോമസിന്റെയും ഓർമ്മദിനം ആചരിച്ചു. ഇൻകാസ് കൺവീനർ രാജീവ്‌ നടുവിലെമുറിയുടെ അധ്യക്ഷതയിൽ ചേർന്ന അനുസ്മരണ സമ്മേളനം മെഡക്സ് ചെയർമാൻ വി. പി. മുഹമ്മദ് അലി ഉദ്ഘാടനം ചെയ്തു.

കേരളം കണ്ട ഏറ്റവും വലിയ ദീർഘവീക്ഷണമുള്ള ഭരണാധികാരിയായിരുന്നു കെ. കരുണാകരനെന്നും, ഒരു കാലഘട്ടത്തിൽ ഇന്ത്യയുടെ പ്രധാനമന്ത്രിയെ വരെ തീരുമാനിക്കുവാനുള്ള അധികാരം ലീഡറിൽ നിക്ഷിപ്തമായിരുന്നു എന്നും വി. പി. മുഹമ്മദ് അലി അനുസ്മരിച്ചു. പി. റ്റി. തോമസ് എന്നും സാധാരണക്കാർക്ക് വേണ്ടി നിലകൊണ്ട നേതാവായിരുന്നുവെന്നും അദ്ദേഹം കൂട്ടിച്ചേർത്തു.

കെ. എം. സി. സി മുൻ പ്രസിഡണ്ടും മെഡക്സ് സി. ഇ. ഒയുമായ ഷറഫുദിൻ കണ്ണേത്ത് ചടങ്ങിൽ മുഖ്യപ്രഭാഷണം നടത്തി.

കേരളത്തിലെ ജനാധിപത്യ മതേതര വിശ്വാസികളെ കോർത്തിണക്കി യു. ഡി. എഫ്. എന്ന പ്രസ്ഥാനത്തിന് നേതൃത്വം നൽകിയത് കെ. കരുണാകരൻ ആയിരുന്നുവെന്നും, അധികാരങ്ങൾക്ക് അപ്പുറം വലിയൊരു മനുഷ്യസ്നേഹിയായിരുന്നു പി. റ്റി. തോമസ് എന്നും അദ്ദേഹം ഓർമ്മിച്ചു.

ഇൻകാസ് കൺവീനർ തോമസ് പള്ളിക്കൽ സ്വാഗതവും ഷംസു താമരക്കുളം നന്ദിയും രേഖപ്പെടുത്തി. കൺവീനർമാരായ അനൂപ് സോമൻ, ബാബു പനമ്പള്ളി, മാത്യു ചെന്നിത്തല എന്നിവർ അനുസ്മരണ പ്രഭാഷണം നടത്തി.

സണ്ണി പത്തിച്ചിറ, അനിൽ വള്ളികുന്നം, ബിജി പള്ളിക്കൽ, ജോൺ തോമസ് കൊല്ലകടവ്, സുനിൽജിത് മണ്ണാർകാട്, ജെറി കോശി, അജു ആൽബർട്ട്, ഒസാമ വാഹിദ്, സുജിത്, അലക്സ് കായംകുളം, രതീഷ് കുമ്പളത്, രെഞ്ചു, ഗിരീഷ് ചേലക്കര, സനോജ്, ശശി വലിയകുലങ്ങര, സുരേഷ് കുമാർ കെ. എസ്, മെബിൻ എബ്രഹാം, നവീൻ ജോസ്, ജിജി പത്തനംതിട്ട, ഷാജി പത്തനംതിട്ട, സിബി പീറ്റർ, രതീഷ് മണ്ണാർകാട്, ജോമോൻ വർഗീസ്, ബിജു തോമസ്, ലിജോ പുതുശ്ശേരി, ആന്റണി സി. എ, ഷെയ്ഖ് മുഹമ്മദ്‌, ദീപക് പി. റ്റി, രാജേഷ് ആർ, സനോജ് തോമസ്, അനു തേവലക്കര, ബിന്ദു ജോൺ, ആനി മാത്യു, ചിന്നു റോയ് തുടങ്ങിയ ഇൻകാസ് നേതാക്കൾ പരിപാടികൾക്ക് നേതൃത്വം നൽകി.