കുവൈറ്റ് സ്പോർട്സ് ഡേ: ഷെയ്ഖ് ജാബർ ബ്രിഡ്ജ് ഇന്ന് പൂർണ്ണമായും അടച്ചു

കുവൈറ്റ്: കുവൈറ്റ് സ്പോർട്സ് ഡേയോട് അനുബന്ധിച്ച് ഷെയ്ഖ് ജാബർ ബ്രിഡ്ജ് ഇരുവശങ്ങളിലേക്കും പൂർണ്ണമായും അടച്ചിടുമെന്ന് ജനറൽ ട്രാഫിക് ഡിപ്പാർട്ട്‌മെന്റ് അറിയിച്ചു.

ഫെബ്രുവരി 6 വെള്ളിയാഴ്ച അർദ്ധരാത്രി മുതൽ ഫെബ്രുവരി 7 ശനിയാഴ്ച ഉച്ചവരെയാണ് നിയന്ത്രണം ഏർപ്പെടുത്തിയിരിക്കുന്നത്.

 ഘട്ടംഘട്ടമായുള്ള അടച്ചിടൽ: വെള്ളിയാഴ്ച വൈകുന്നേരം 4:00 മണിക്ക് സൗത്ത് ഐലൻഡ് (Southern Island) പൂർണ്ണമായും അടയ്ക്കുന്നതോടെ നിയന്ത്രണങ്ങൾ ആരംഭിക്കും.

പ്രധാന പാത: വെള്ളിയാഴ്ച രാത്രി 12:00 മണിക്ക് ഷുവൈഖ് പോർട്ട് മുതൽ സുബിയ വരെയുള്ള പാത അടയ്ക്കും.

 തിരികെ വരുന്നത്: ശനിയാഴ്ച പുലർച്ചെ 3:00 മണിയോടെ സുബിയ മുതൽ ഷുവൈഖ് പോർട്ട് വരെയുള്ള ഭാഗവും അടയ്ക്കും.

 തുറക്കുന്ന സമയം: ശനിയാഴ്ച ഉച്ചയ്ക്ക് 1:00 മണിയോടെ പാലം പൂർണ്ണമായും ഗതാഗതത്തിനായി തുറന്നുകൊടുക്കും.

യാത്രക്കാർ ഗതാഗത നിർദ്ദേശങ്ങൾ പാലിക്കണമെന്നും അടച്ചിട്ടിരിക്കുന്ന സമയത്ത് പകരം സംവിധാനങ്ങൾ ഉപയോഗിക്കണമെന്നും അധികൃതർ അഭ്യർത്ഥിച്ചു.