മെഡിക്കൽ ജീവനക്കാരുടെ കടുത്ത ക്ഷാമം നേരിട്ട് കുവൈത്ത്

കുവൈത്ത്: കൊറോണ പ്രതിസന്ധി ഘട്ടത്തിൽ പ്രകടമായ പ്രാദേശിക മെഡിക്കൽ ഉദ്യോഗസ്ഥരുടെ കുറവിനെക്കുറിച്ച് മുന്നറിയിപ്പ് നൽകി കുവൈത്ത് യൂണിവേഴ്‌സിറ്റിയിലെ കോളേജ് ഓഫ് മെഡിസിനിലെ സൈക്യാട്രി ഡിപ്പാർട്ട്‌മെൻ്റ് ഡയറക്ടർ ഡോ. സുലൈമാൻ അൽ ഖുധാരി.

ഇത് ഒരു ആഗോള പ്രതിഭാസമാണ്. എന്നാൽ ഗൾഫ് മേഖലയിൽ ഇത് കൂടുതൽ രൂക്ഷമാണ്. 10,000 പേർക്ക് 22 ഡോക്ടർമാരുള്ള കുവൈത്ത് ജനസംഖ്യയുമായി താരതമ്യം ചെയ്യുമ്പോൾ ഗൾഫിൽ നാലാം സ്ഥാനത്താണെന്നും അദ്ദേഹം പറഞ്ഞു. 

കുവൈത്തിൽ 17,000 ഡോക്ടർമാരുണ്ട്. അതിൽ 4,000 പേർ മാത്രമാണ് കുവൈത്തികൾ. വിവിധ മെഡിക്കൽ സ്പെഷ്യലൈസേഷനുകളുള്ള മെഡിക്കൽ മാൻപവറിൻ്റെ ആരോഗ്യ മന്ത്രാലയത്തിൻ്റെ വാർഷിക ആവശ്യം ഏകദേശം 1,000 ബിരുദധാരികളാണെന്നാണ് കണക്കാക്കപ്പെടുന്നത്.

മെഡിക്കൽ സ്പെഷ്യലൈസേഷനുകൾക്കുള്ള സ്കോളർഷിപ്പ് പദ്ധതി വിദ്യാഭ്യാസത്തിൻ്റെ ഗുണനിലവാരത്തിനും തൊഴിൽ വിപണിയുടെ ആവശ്യങ്ങൾ നിറവേറ്റുന്നതിനും അനുയോജ്യമാണെന്നും ഡോ. സുലൈമാൻ അൽ ഖുധാരി പറഞ്ഞു.