വാൾഡോർഫ് ആസ്റ്റോറിയ ഹോട്ടലിൽ അന്താരാഷ്ട്ര ദാസ്‌മാൻ ഡയബീറ്റീസ് ഇൻസ്റ്റിറ്റ്യൂട്ട് സമ്മിറ്റ്  സംഘടിപ്പിക്കുന്നു

കുവൈറ്റ്: കുവൈറ്റ് ഫൗണ്ടേഷൻ ഫോർ ദി അഡ്വാൻസ്മെന്റ് ഓഫ് സയൻസസ് സ്ഥാപിച്ച ദാസ്‌മാൻ ഡയബീറ്റീസ് ഇൻസ്റ്റിറ്റ്യൂട്ട് 2025 ജനുവരി 23 മുതൽ 25 വരെ കുവൈറ്റ് സിറ്റിയിലെ പ്രശസ്തമായ വാൾഡോർഫ് ആസ്റ്റോറിയ ഹോട്ടലിൽ ആദ്യ അന്താരാഷ്ട്ര ദാസ്‌മാൻ ഡയബീറ്റീസ് ഇൻസ്റ്റിറ്റ്യൂട്ട് സമ്മിറ്റ്  സംഘടിപ്പിക്കുന്നു.

ഡയബീറ്റീസ് പരിചരണ രംഗത്തെ  മഹാസമ്മേളനത്തിൽ ലോകത്തിന്റെ വിവിധ ഭാഗങ്ങളിൽ നിന്നുള്ള പ്രമുഖ വിദഗ്ധരും ഗവേഷകരും സമ്മേളനത്തിൽ പങ്കെടുക്കും

പുതിയ ഡയബീറ്റീസ് പരിചരണ രീതികളെ കുറിച്ചുള്ള പുതിയ വിവരങ്ങൾ അവർ പങ്കുവയ്ക്കും, അതിലൂടെ ഡയബീറ്റീസ് പരിചരണത്തിന്റെ ഏറ്റവും പുതിയ സാധ്യതകൾക്കൊപ്പമെത്താൻ പങ്കെടുക്കുന്നവർക്ക് അവസരം ലഭിക്കും.

പ്രമുഖ ശാസ്ത്രജ്ഞന്മാർ നയിക്കുന്ന ഇൻററാക്ടീവ് വർക്‌ഷോപ്പുകൾ മുഖേന ആധുനിക ഗവേഷണങ്ങൾ, ചികിത്സാ രീതികൾ, ഡയബീറ്റീസ് മാനേജ്മെന്റ് ആശയങ്ങൾ എന്നിവയിലേയ്ക്കുള്ള അപൂർവമായ ഒരു കണ്ണാടിയാകും സമ്മേളനം തുറക്കുക.

ആരോഗ്യ മേഖലയിൽ പ്രവർത്തിക്കുന്നവർ, ഗവേഷകർ, വിദഗ്ധർ തുടങ്ങിയവർക്ക് അവരുടെ അറിവുകൾ പുതുക്കാനും, സഹപ്രവർത്തകരുമായി ആശയവിനിമയം നടത്താനും, ഡയബീറ്റീസ് പരിചരണത്തിന്റെ ഭാവിയെ രൂപപ്പെടുത്തുന്ന പുതു സഹകരണങ്ങൾ ആരംഭിക്കാനും ഈ സമ്മേളനം ഒരു മികച്ച വേദിയാവും.

പങ്കെടുക്കാൻ താൽപര്യമുള്ളവർക്ക് രജിസ്ട്രേഷൻ ഇതിനകം തന്നെ ആരംഭിച്ചിരിക്കുന്നു. ഈ സമാഹാരത്തിൽ പങ്കെടുക്കാനുള്ള സുവർണാവസരം നഷ്ടപ്പെടുത്തരുത്.

രജിസ്ട്രേഷൻ സംബന്ധിച്ച കൂടുതൽ വിവരങ്ങൾക്ക് ദാസ്‌മാൻ ഡയബീറ്റീസ് ഇൻസ്റ്റിറ്റ്യൂട്ട് വെബ്‌സൈറ്റായ www.dasmaninstitute.org സന്ദർശിക്കുക.

ഡയബീറ്റീസ് ബാധിതരുടെ ജീവിത നിലവാരം മെച്ചപ്പെടുത്തുന്നതിലും ആരോഗ്യമേഖലയെ മുന്നോട്ടു കൊണ്ടു പോകുന്നതിലും ദാസ്‌മാൻ ഡയബീറ്റീസ് ഇൻസ്റ്റിറ്റ്യൂട്ട് പുതിയൊരു അധ്യായം തുടങ്ങുന്നുവെന്നും , ആ അഭിമാനകരമായ സമാഹാരത്തിൽ എല്ലാവരെയും സ്വാഗതം ചെയ്യുന്നതായും  സംഘടകർ അറിയിച്ചു.