/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/02/24/SxilpY9fevNkYpi1ZrOv.jpg)
കുവൈത്ത്: കുടുംബത്തിന്റെ 'മാന്യത' സംരക്ഷിക്കാന്‍ സ്ത്രീകളെ കൊലപ്പെടുത്തുന്നത് നീതീകരിക്കുന്ന നിയമം കുവൈത്ത് റദ്ദാക്കി. ഇനി മുതല്‍ ഇത്തരം കൊലപാതകങ്ങള്‍ സാധാരണ കൊലപാതകങ്ങളായി പരിഗണിക്കുകയും അതിന് കര്‍ശന ശിക്ഷ നല്‍കുകയും ചെയ്യും.
നേരത്തെ, കുവൈത്തില്‍ ക്രിമിനല്‍ നിയമത്തിന്റെ 153-ാം ആര്‍ട്ടിക്കിള്‍ പ്രകാരം, 'ഓണര്‍ കില്ലിംഗ്' ചെയ്തവര്‍ക്ക് പരമാവധി മൂന്ന് വര്‍ഷം തടവോ ചെറിയ പിഴയോ മാത്രമാണ് ശിക്ഷയായി ലഭിച്ചിരുന്നത്. ഇപ്പോള്‍ ഈ വ്യവസ്ഥ ഒഴിവാക്കിയാണ് പുതിയ നിയമ ഭേദഗതി കൊണ്ടുവന്നിരിക്കുന്നത്.
കുവൈത്തില്‍ സ്ത്രീവകാശ പ്രവര്‍ത്തകര്‍ ഈ തീരുമാനത്തെ ഏറെ സ്വാഗതം ചെയ്തിട്ടുണ്ട്. അറബ് രാജ്യങ്ങളില്‍ സ്ത്രീകള്‍ക്കെതിരായ അക്രമങ്ങള്‍ തടയാന്‍ വേണ്ടിയുള്ള പ്രധാന മുന്നേറ്റമായി ഇതിനെ കണക്കാക്കുന്നു.
അയല്‍രാജ്യങ്ങളായ സൗദി അറേബ്യ, യു.എ.ഇ, ഖത്തര്‍, ഒമാന്‍ തുടങ്ങിയവയില്‍ ഓണര്‍ കില്ലിംഗിനെതിരെ നേരത്തെ തന്നെ കര്‍ശന നിയമങ്ങള്‍ നിലവിലുണ്ടായിരുന്നു. കുവൈത്ത് ഈ നിയമഭേദഗതിയിലൂടെ ആ രാജ്യങ്ങളുടെ നിരയിലേക്ക് ചേര്‍ന്നിരിക്കുകയാണ്.
സ്ത്രീകള്‍ക്കെതിരായ അതിക്രമങ്ങള്‍ക്കെതിരെ ശക്തമായ നിലപാട് സ്വീകരിക്കുന്നതിന്റെ ഭാഗമായാണ് ഈ നിയമ ഭേദഗതി, എന്നാണ് നിയമനിര്‍മ്മാതാക്കളുടെ വിശദീകരണം. ഇനി മുതല്‍ കുടുംബത്തിന്റെ 'മാന്യത സംരക്ഷണത്തിനായി' ആരെങ്കിലും കൊലപാതകം ചെയ്താല്‍, ആ വ്യക്തിക്ക് സാധാരണ കൊലപാതകത്തിനുള്ള ശിക്ഷയേ ലഭിക്കുകയുള്ളൂ.