കുവൈത്തിൽ നറുക്കെടുപ്പ് തട്ടിപ്പ് തുറന്നുകാട്ടിയ ഡെപ്യൂട്ടി ഓഫീസർ നവാഫ് അൽ-നസ്സറിനെ ആഭ്യന്തര മന്ത്രി ആദരിച്ചു

കുവൈത്ത്: കുവൈത്തിലെ ആക്റ്റിംഗ് പ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസുഫ് അൽ-സബാഹ്, ‘യാ ഹല’ നറുക്കെടുപ്പ് തട്ടിപ്പിനെ പുറത്തു കൊണ്ടുവന്ന ഡെപ്യൂട്ടി ഓഫീസർ നവാഫ് അൽ-നസ്സറിനെ ഔദ്യോഗികമായി ആദരിച്ചു.

നറുക്കെടുപ്പ് പ്രക്രിയയിൽ കൃത്രിമത്വം ഉണ്ടായെന്ന സൂചന ലഭിച്ചതിനെ തുടർന്നു നടത്തിയ സുതാര്യമായ അന്വേഷണത്തിലാണ് നവാഫ് അൽ-നസ്സർ തട്ടിപ്പിനെ അനാവരണം ചെയ്തത്.

നറുക്കെടുപ്പ് ദൃശ്യങ്ങൾ സൂക്ഷ്മമായി വിലയിരുത്തിയതോടെയാണ് ഗൂഢാലോചനയുടെ സൂത്രധാരന്മാർ കുടുങ്ങിയത്.

നവാഫിന്റെ ചാരുതയും തന്ത്രപൂർവ്വമായ അന്വേഷണ മികവും പ്രശംസിക്കേണ്ടതാണെന്ന് മന്ത്രി ശൈഖ് ഫഹദ് യൂസുഫ് അൽ-സബാഹ് ചടങ്ങിൽ പറഞ്ഞു.

ന്യായത്തിന്റെയും സത്യസന്ധതയുടെയും വിജയമാണിതെന്നും അത്തരക്കാർക്ക് ഭരണസംവിധാനത്തിൽ യോജിച്ച സ്ഥാനം ഉറപ്പാക്കുമെന്ന് അദ്ദേഹം കൂട്ടിച്ചേർത്തു.

അഭിനന്ദന ചടങ്ങിൽ ആഭ്യന്തര മന്ത്രാലയത്തിലെ ഉന്നത ഉദ്യോഗസ്ഥരായ മേജർ ജനറൽ അബ്ദുള്ള സഫാ അൽ മുല്ലയും മറ്റു വൃന്ദങ്ങളും സന്നിഹിതരായിരുന്നു.