പക്ഷിപ്പനി വ്യാപനം: യുഎസ്, ന്യൂസിലൻഡ്, ഫ്രാൻസ് രാജ്യങ്ങളിൽനിന്നുള്ള കോഴിയിറച്ചി കുവൈത്ത് നിരോധിച്ചു

കുവൈത്ത്: പക്ഷിപ്പനി പടർന്നുപിടിച്ചതിനെ തുടർന്ന് യുഎസ്, ന്യൂസിലൻഡ്, ഫ്രാൻസ് എന്നീ രാജ്യങ്ങളിൽനിന്നുള്ള കോഴിയിറച്ചിയുടെ ഇറക്കുമതിക്ക് കുവൈത്ത് നിരോധനം പ്രഖ്യാപിച്ചു. ഭക്ഷ്യസുരക്ഷയ്ക്കായുള്ള ഉന്നത സമിതി യോഗത്തിലെ ശുപാർശകളെ തുടർന്നായാണ് ഈ നടപടി സ്വീകരിച്ചത്.

യുഎസിലെ മിനസോട്ട, ഒഹായോ, ഒറിഗോൺ, മിസോറി, നോർത്ത് ഡക്കോട്ട എന്നീ സംസ്ഥാനങ്ങളിൽ നിന്നുള്ള ഫ്രഷ്, പ്രോസസ്ഡ്, ഫ്രോസൺ അടക്കം വിവിധതരം കോഴിയിറച്ചിയുടെ ഇറക്കുമതിക്ക് വിലക്കേർപ്പെടുത്തി.

 പക്ഷേ, 70 ഡിഗ്രി സെൽഷ്യസിലധികം ചൂടാക്കപ്പെട്ട ഉൽപ്പന്നങ്ങൾ ഈ നിരോധനത്തിൽ നിന്നു ഒഴിവാക്കിയിട്ടുണ്ട്.

ന്യൂസിലൻഡിലും പക്ഷിപ്പനി സ്ഥിരീകരിക്കപ്പെട്ട പശ്ചാത്തലത്തിൽ, അതിൽ നിന്നുള്ള ഇറക്കുമതിക്കും സമാനമായ നിരോധനം ശുപാർശ ചെയ്യപ്പെട്ടു.

ഫ്രാൻസിൽ രോഗം വ്യാപകമായി റിപ്പോർട്ട് ചെയ്യപ്പെട്ടതിനാൽ, കോഴിയിറച്ചിയും അതുമായി ബന്ധപ്പെട്ട എല്ലാ ഉൽപ്പന്നങ്ങളും, മുട്ടകൾ ഉൾപ്പെടെ കുവൈത്തിലേക്കുള്ള ഇറക്കുമതി താത്കാലികമായി നിരോധിക്കണമെന്നു സമിതി നിർദേശിച്ചു.