കുവൈറ്റിലെ ദോഹ തുറമുഖത്ത് രണ്ട് തടി ബോട്ടുകള്‍ക്ക് തീപിടിച്ചു. നാല് ജീവനക്കാര്‍ക്ക് പരിക്കേറ്റു

കുവൈത്ത്:  വ്യാഴാഴ്ച കുവൈറ്റിലെ ദോഹ തുറമുഖത്ത് രണ്ട് തടി ബോട്ടുകള്‍ക്ക് തീപിടിച്ചു. തുടര്‍ന്ന് ആറ് കുവൈറ്റ് ഫയര്‍ സര്‍വീസ് ഫോഴ്സ് (കെഎഫ്എസ്എഫ്) യൂണിറ്റുകള്‍ വേഗത്തില്‍ രക്ഷാപ്രവര്‍ത്തനം നടത്തി. 

ഷുവൈഖ് മറൈന്‍, സൂര്‍, സുലൈബിഖാത്ത്, മദീന, തഹ്രീര്‍, അഹ്‌മദി കേന്ദ്രങ്ങളില്‍ നിന്നുള്ള സംഘങ്ങള്‍ തീ നിയന്ത്രണവിധേയമാക്കുകയും തീ പടരുന്നത് തടയുകയും ചെയ്തു.

നാല് ജീവനക്കാര്‍ക്ക് പരിക്കേറ്റു, അടിയന്തര മെഡിക്കല്‍ ഉദ്യോഗസ്ഥര്‍ സ്ഥലത്തുതന്നെ ചികിത്സ നല്‍കി.