കുവൈറ്റ്: അമിത മദ്യപാനാവസ്ഥയില്‍ ദേശീയപാതയില്‍ തെറ്റായ ദിശയില്‍ വാഹനം ഓടിച്ച 63കാരനായ പൗരത്വ രഹിതനായ ആള്‍ കുവൈത്ത് ട്രാഫിക് പൊലീസിന്റെ പിടിയിലായി. സംഭവം ഷെയ്ഖ് ജാബര്‍ റോഡില്‍ അബ്ദാലി ഫാംസ് പരിസരത്താണ് അരങ്ങേറിയത്.
റോഡില്‍ തെറ്റായ ദിശയില്‍ കടന്നുകൊണ്ടിരുന്ന ഒരു കൊറിയന്‍ നിര്‍മ്മിത കാറിനെ കുറിച്ചുള്ള വിവരത്തെത്തുടര്‍ന്ന് പോലീസിന്റെ പട്രോള്‍ ടീം ഇടപെടുകയും വാഹനം തടഞ്ഞുനിര്‍ത്തുകയും ചെയ്തു. പരിശോധന നടത്തിയപ്പോള്‍ പ്രതി മദ്യപിച്ച നിലയിലാണ് വാഹനം നിയന്ത്രിച്ചിരുന്നതെന്ന് വ്യക്തമായി.
വാഹനത്തില്‍ നടത്തിയ പരിശോധനയില്‍ മൂന്ന് കുപ്പി മദ്യവും കണ്ടെടുത്തു. ഇയാള്‍ക്കെതിരെ അമിത മദ്യപാനത്തില്‍ വാഹനമോടിക്കല്‍, വാഹനത്തിന്റെ നിയന്ത്രണം നഷ്ടപ്പെടല്‍, പൊതുജനങ്ങള്‍ക്കും റോഡുപരിസരത്തിനും ഭീഷണി സൃഷ്ടിക്കല്‍, നിയമവിരുദ്ധമായി റോഡില്‍ മറുവശം ഉപയോഗിക്കല്‍ തുടങ്ങിയ കുറ്റങ്ങള്‍ ചുമത്തിയാണ് നിയമനടപടികള്‍ ആരംഭിച്ചിരിക്കുന്നത്.
ഇത്തരം സംഭവങ്ങള്‍ കര്‍ശനമായി തടയുന്നതിനായി പോലീസ് അധികൃതര്‍ ഡ്രൈവിംഗിനുള്ള പരിശോധനകളും റോഡ് പട്രോളിംഗും ശക്തമാക്കിയതായി അറിയിച്ചു.
പൊതുജനങ്ങള്‍ സംശയാസ്പദമായ വാഹനങ്ങള്‍ കണ്ടാല്‍ ഉടന്‍ സുരക്ഷാ വകുപ്പുമായി ബന്ധപ്പെടണമെന്ന് പൊലീസ് അഭ്യര്‍ത്ഥിച്ചു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/06/01/DUZ8zUvyXoMWLm8snNMA.jpg)