കുവൈത്തിൽ ചാരിറ്റികളും ദാനപ്രവർത്തനങ്ങളും വീണ്ടും ആരംഭിക്കാൻ അനുമതി നൽകി

കുവൈത്ത്: കുവൈത്തിൽ ചാരിറ്റികളും ദാനപ്രവർത്തനങ്ങളും വീണ്ടും ആരംഭിക്കാൻ അനുമതി നൽകി. അന്തർദേശീയ ചാരിറ്റി പദ്ധതികൾ ഉൾപ്പെടെ ഫണ്ടിംഗ് പുനരാരംഭിക്കുന്നതിന് സർക്കാർ കർശന മാർഗനിർദ്ദേശങ്ങൾ പുറപ്പെടുവിച്ചതായി അധികൃതർ അറിയിച്ചു.

അഭ്യന്തര കാര്യ മന്ത്രിയും  ഒന്നാം ഉപപ്രധാനമന്ത്രിയുമായ ഷെയ്ഖ് ഫഹദ് അൽ-യൂസഫ് അൽ-സബാഹിന്റെ അധ്യക്ഷത്വത്തിൽ ചേർന്ന സർക്കാറിന്റെ "ഫോർത്ത്കമിറ്റി" യോഗത്തിലാണ് ഇതുമായി ബന്ധപ്പെട്ട തീരുമാനം.

യോഗത്തിൽ, ഫണ്ടുകൾ ശേഖരിക്കുന്നതും വിതരണം ചെയ്യുന്നതിനെയും കുറിച്ച് കർശന നിയന്ത്രണങ്ങളും മേൽനോട്ട സംവിധാനങ്ങളും നടപ്പാക്കുമെന്ന് വ്യക്തമാക്കപ്പെട്ടു.

സമൂഹത്തിനുള്ള സഹായം ഗുണഭോക്താക്കൾക്ക് നേരിട്ട് എത്തിക്കാനും വിദേശത്തു കുവൈത്തിന്റെ ചാരിറ്റി ഇടപെടലുകൾ ആഴത്തിലുള്ളവയാകാനും ഈ നീക്കം സഹായിക്കുമെന്ന് പ്രതീക്ഷിക്കുന്നു. ചാരിറ്റി പ്രവർത്തനങ്ങൾ സുതാര്യവും, നിയമാനുസൃതവുമാകുന്നവിധം വിവിധ സർക്കാർ ഏജൻസികൾ ചേർന്ന് ഏകീകരിച്ച നടപടികൾ തുടർന്നും ഉണ്ടാകും.

2025 ഏപ്രിലിൽ, അനുമതിയില്ലാതെ ഫണ്ടുകൾ ശേഖരിക്കുന്ന ചില വെബ്സൈറ്റുകൾ തിരിച്ചറിഞ്ഞതിനെ തുടർന്ന് ചാരിറ്റി പ്രവർത്തനങ്ങൾ താത്കാലികമായി നിർത്തിയിരുന്നു. ഇപ്പോഴത്തെ നടപടി അതിനു ശേഷം നടത്തുന്ന നയപരിഷ്കരണത്തിന്റെ ഭാഗമായാണ് കാണപ്പെടുന്നത്.

സുതാര്യതയും വിശ്വാസ്യതയും ഉറപ്പാക്കുന്ന രീതിയിലാണ് ഇനി മുതൽ ദാനപ്രവർത്തനങ്ങൾ നടത്തപ്പെടുന്നത് എന്ന് അധികൃതർ അറിയിച്ചു.