കുവൈത്തിൽ 50 വർഷത്തിന് ശേഷം കോടതി ഫീസ് പുതുക്കിനിശ്ചയിച്ചു കൊണ്ട് ഉത്തരവ് ; ദുരുദ്ദേശ്യപരമായ കേസുകൾക്ക് നിയന്ത്രണം

കുവൈറ്റ്: കുവൈറ്റിൽ കോടതി ഫീസ് പുതുക്കി. 1973-ലെ കോടതി ഫീസ് സംബന്ധിച്ച നിയമം നമ്പർ 17-ലുള്ള നിരവധി വ്യവസ്ഥകൾക്കു മാറ്റം വരുത്തിയാണ് 2025-ലെ ഡിക്രി-നിയമം നമ്പർ 78 പുറപ്പെടുവിച്ചത്.

നിയമ നടപടികളുടെ ഗൗരവം ഉയർത്തുകയും, അടിസ്ഥാനരഹിതവും ദുരുദ്ദേശ്യപരവുമായ കേസുകൾക്കെതിരെ നടപടിയെടുക്കുകയും, ബദൽ തർക്കപരിഹാര മാർഗങ്ങൾ പ്രോത്സാഹിപ്പിക്കുകയും ചെയ്യുന്നതിനാണ് പുതിയ നിയമം ലക്ഷ്യമിടുന്നത്.

ഞായറാഴ്ച ‘കുവൈറ്റ് അൽ യോം’ ഔദ്യോഗിക ഗസറ്റിൽ പ്രസിദ്ധീകരിച്ച ഡിക്രിയിൽ, പഴയ നിയമം പ്രാബല്യത്തിൽ വന്നതിനുശേഷം ഉണ്ടായ സാമ്പത്തിക-സാമൂഹിക മാറ്റങ്ങൾ പരിഗണിച്ചിട്ടില്ലെന്നതും പുതിയ നിയമം അതിനെ തിരുത്താനാണെന്നതും വ്യക്തമാക്കിയിട്ടുണ്ട്.

പണപ്പെരുപ്പം, ആളോഹരി വരുമാനത്തിലെ വർധന, സേവനച്ചിലവുകൾ എന്നിവയിലും നീതിന്യായ സംവിധാനത്തെപ്പറ്റിയുള്ള പൊതുജന അവബോധത്തിലെ വർധനയിലും ഉള്ള വലിയ മാറ്റം പുതിയ നിയമത്തിന്റെ പശ്ചാത്തലമായി കാണപ്പെടുന്നു.

കോർത്തുകളിലെ പ്രവാഹം കുറയ്ക്കുന്നതിനും വിചാരണ സമയങ്ങളിലെ വൈകിപ്പുകൾ കുറയ്ക്കുന്നതിനും, മധ്യസ്ഥതയും അനുരഞ്ജനവുമുള്‍പ്പെടെയുള്ള ബദൽ മാർഗങ്ങൾ ജനപ്രിയമാക്കുന്നതിനും സർക്കാർ ഈ നിയമത്തിലൂടെ ശ്രമിക്കുന്നു.

പ്രധാന ഭേദഗതികൾ:

ആർട്ടിക്കിൾ 2: ഒരേ നിയമകാരണമൂലമുള്ള നിരവധി ക്ലെയിമുകൾ ഉണ്ടായാൽ അവയുടെ സംയോജിത മൂല്യത്തെ അടിസ്ഥാനമാക്കിയാണ് ഇനി മുതൽ ഫീസ് നിർണ്ണയിക്കുന്നത്. വ്യത്യസ്ത കാരണങ്ങളിൽ നിന്നുള്ള ക്ലെയിമുകൾക്കായി ഫീസ് വേർതിരിച്ച് വിലയിരുത്തും.

ആർട്ടിക്കിൾ 5: മൂല്യം നിർണ്ണയിക്കാൻ കഴിയാത്ത ക്ലെയിമുകൾ സാമ്പത്തിക മൂല്യമില്ലാത്തതായി കണക്കാക്കും.

തരംതിരിച്ച വ്യവഹാരങ്ങൾ:

ഒപ്പുകൾ സാധൂകരിക്കുന്നതിനുള്ള കേസുകൾ
അടിയന്തര ജഡ്ജിമാർക്ക് സമർപ്പിക്കുന്ന അപേക്ഷകൾ

വ്യാജരേഖ സംബന്ധിച്ച പരാതികൾ

ആർബിട്രേഷൻ അവാർഡുകൾ നടപ്പിലാക്കുന്നതുമായി ബന്ധപ്പെട്ട ഹർജികൾ

വിദേശ കോടതി വിധികൾ നടപ്പിലാക്കാനുള്ള അപേക്ഷകൾ

ജഡ്ജിമാരെ, വിദഗ്ദ്ധരെ, മധ്യസ്ഥരെ മാറ്റുന്നതിനുള്ള ഹർജികൾ
എക്സിക്യൂഷൻ വിഭാഗത്തിൽ സമർപ്പിക്കുന്ന അപേക്ഷകളും പരാതി ഹർജികളും

ഈസ്മെന്റ് അവകാശങ്ങളും വിധിന്യായങ്ങളുടെ വ്യാഖ്യാനത്തിനോ തിരുത്തലിനോ ഉള്ള അപേക്ഷകളും
പുതിയ ഭേദഗതികൾ നീതിന്യായ സംവിധാനത്തിന്റെ കാര്യക്ഷമത വർദ്ധിപ്പിക്കുകയും, അടിസ്ഥാനരഹിതമായ നിയമ ഉപയോഗത്തെ കുറയ്ക്കമെന്നാണ്  വിലയിരുത്തൽ