കുവൈറ്റ്: കുവൈറ്റില്‍ ഒരു ഏഷ്യന്‍ രാജ്യത്ത് നിന്ന് എത്തിയ 29 ടണ്‍ നിരോധിത പുകയില ഉത്പന്നങ്ങള്‍ പിടികൂടി. കസ്റ്റംസ് വിഭാഗം 581,000 പാക്കറ്റ് നിരോധിത പുകയില ഉത്പന്നങ്ങള്‍ പിടിച്ചെടുത്തതായി അറിയിച്ചു. ഏകദേശം 29 ടണ്‍ ഭാരമുള്ള ഈ വലിയ അളവ് പുകയില ഒരു ഏഷ്യന്‍ രാജ്യത്ത് നിന്നാണ് എത്തിയതെന്നും കസ്റ്റംസ് വ്യക്തമാക്കി.
രാജ്യത്തേക്ക് നിരോധിത വസ്തുക്കള്‍ കടത്തുന്നത് തടയുന്നതിനുള്ള കസ്റ്റംസിന്റെ നിരന്തരമായ ശ്രമങ്ങളുടെ ഭാഗമായാണ് ഈ വലിയ വേട്ട നടന്നത്. രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് വന്‍തോതിലുള്ള ഈ പുകയില ശേഖരം കണ്ടെത്തിയത്.
ഇറക്കുമതി നിരോധിച്ചിട്ടുള്ള പുകയില ഉല്‍പ്പന്നങ്ങള്‍ രാജ്യത്ത് എത്തുന്നത് തടയുന്നതില്‍ കസ്റ്റംസ് വകുപ്പിന്റെ ജാഗ്രത വ്യക്തമാക്കുന്നതാണ് ഈ സംഭവം.
പിടിച്ചെടുത്ത പുകയിലയുടെ ഉറവിടം, കടത്താന്‍ ശ്രമിച്ചവര്‍ തുടങ്ങിയ വിശദാംശങ്ങളെക്കുറിച്ച് കൂടുതല്‍ അന്വേഷണങ്ങള്‍ നടന്നു വരികയാണെന്നും അധികൃതര്‍ അറിയിച്ചു.
രാജ്യത്തിന്റെ സുരക്ഷയ്ക്കും പൊതുജനാരോഗ്യത്തിനും ഭീഷണിയാകുന്ന ഇത്തരം പ്രവര്‍ത്തനങ്ങള്‍ക്കെതിരെ ശക്തമായ നടപടികള്‍ തുടരുമെന്നും കസ്റ്റംസ് വ്യക്തമാക്കി.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/z6jGfmUsZrQw0wmxD9Dg.jpg)