കുവൈറ്റിൽ വൻ മയക്കു മരുന്ന് വേട്ട 40 ലക്ഷം കാപ്റ്റഗൺ ഗുളികകൾ പിടിച്ചെടുത്തു; ജല പൈപ്പുകളിൽ ഒളിപ്പിച്ച നിലയിൽ

കുവൈറ്റ്: രാജ്യത്ത് മയക്കുമരുന്ന് കടത്ത് തടയുന്നതിനുള്ള ഊർജ്ജിത ശ്രമങ്ങളുടെ ഭാഗമായി, 40 ലക്ഷം കാപ്റ്റഗൺ ഗുളികകൾ കുവൈറ്റ് അധികൃതർ പിടിച്ചെടുത്തു. ജലവിതരണ പൈപ്പുകൾക്കുള്ളിൽ അതിവിദഗ്ദ്ധമായി ഒളിപ്പിച്ച നിലയിലായിരുന്നു ഇവ കണ്ടെത്തിയത്.

ആഭ്യന്തര മന്ത്രി ഷെയ്ഖ് ഫഹദ് യൂസഫ് സൗദ് അൽ-സബാഹിന്റെ നിർദ്ദേശാനുസരണം, ക്രിമിനൽ സെക്യൂരിറ്റി സെക്ടറിന് കീഴിലുള്ള ജനറൽ ഡിപ്പാർട്ട്‌മെന്റ് ഫോർ ഡ്രഗ് കൺട്രോൾ ആണ് ഈ നിർണ്ണായകമായ കണ്ടെത്തൽ നടത്തിയത്.

പൊതുജനാരോഗ്യ സംരക്ഷണത്തിനും രാജ്യത്തെ മയക്കുമരുന്ന് ഭീഷണിയിൽ നിന്ന് മുക്തമാക്കുന്നതിനും വേണ്ടിയുള്ള തുടർച്ചയായ ശ്രമങ്ങളുടെ ഭാഗമായാണ് ഈ നടപടി.

പിടികൂടിയ മയക്കുമരുന്ന് ഗുളികകൾ സംബന്ധിച്ച കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല. ഈ മയക്കുമരുന്ന് കടത്തിന് പിന്നിൽ പ്രവർത്തിച്ചവരെ കണ്ടെത്താനുള്ള അന്വേഷണം പുരോഗമിക്കുകയാണ്.