ഇന്ത്യൻ അംബാസഡർ ഡോ. ആദർശ് സ്വൈക യൂസഫ് ഖാലിദ് അൽ മർസുഖുമായി കൂടിക്കാഴ്ച നടത്തി

കുവൈത്ത്: ഇന്ത്യയിലെ കുവൈത്ത് അംബാസഡർ ഡോ. ആദർശ് സ്വൈക പ്രമുഖ കുവൈത്തി ദിനപത്രമായ അൽ അൻബയുടെ എഡിറ്റർ-ഇൻ-ചീഫ് യൂസഫ് ഖാലിദ് അൽ മർസുഖുമായി സൗഹൃദ സന്ദർശനം നടത്തി.

ഇരുരാജ്യങ്ങൾക്കുമിടയിലെ വികസിച്ചുവരുന്ന ബന്ധങ്ങളെക്കുറിച്ചും, സമകാലീന പ്രദേശിക അന്താരാഷ്ട്ര വിഷയങ്ങളെക്കുറിച്ചുമാണ് കൂടിക്കാഴ്ചയിൽ ആഴത്തിലുള്ള ചർച്ചകൾ നടന്നത്.

ഇന്ത്യയും കുവൈത്തും തമ്മിലുള്ള സാമ്പത്തിക, വിദ്യാഭ്യാസ, തൊഴിൽ മേഖലകളിൽ ഉണ്ടാകുന്ന സഹകരണ സാധ്യതകൾക്കൊപ്പം, അതിർത്തി കടന്നുള്ള ഭീകരതയെ ചെറുക്കുന്നതിനുള്ള ഇന്ത്യയുടെ സമീപകാല നടപടികളെയും അംബാസഡർ വിശദീകരിച്ചു.

സമാധാനത്തിനും അന്താരാഷ്ട്ര സഹകരണത്തിനും ഇന്ത്യ നൽകുന്ന പ്രാധാന്യത്തെക്കുറിച്ചും അംബാസഡർ ആധികാരികമായി വിവരിച്ചു.

പ്രാദേശികതലത്തിൽ വേഗത്തിൽ മാറുന്ന രാഷ്ട്രീയ-സാമ്പത്തിക സാഹചര്യങ്ങളെ കണക്കിലെടുത്ത്, അന്താരാഷ്ട്ര മാധ്യമങ്ങളുടെയും മാധ്യമ പ്രവർത്തകരുടെയും പങ്ക് കൂടുതൽ നിർണായകമാണെന്ന് ഇരുവരും അഭിപ്രായപ്പെട്ടു.

വാർത്താ സ്വാതന്ത്ര്യത്തിന്റെയും ഉത്തരവാദിത്വമുള്ള റിപ്പോർട്ടിങ്ങിൻ്റെയും അത്യാവശ്യകതയിലേക്കും ആശയവിനിമയം നീണ്ടുനിന്നു.

കൂടിക്കാഴ്ചയെ തുടർന്ന്, ഇരു നേതാക്കളും ദേശാന്തര ബന്ധം കൂടുതൽ ശക്തിപ്പെടുത്താൻ പരസ്പര സഹകരണം തുടരുമെന്ന ഉറപ്പ് പങ്കുവെച്ചു.