അത്യാവശ്യമില്ലെങ്കിൽ പുറത്തിറങ്ങരുത്; ഭക്ഷ്യശേഖരം സുരക്ഷിതമെന്ന് കുവൈറ്റ് സിവിൽ ഡിഫൻസ്

കുവൈറ്റ്: രാജ്യത്തെ പൗരന്മാരും താമസക്കാരും അത്യാവശ്യ കാര്യങ്ങൾക്കല്ലാതെ വീടുകളിൽ നിന്ന് പുറത്തിറങ്ങരുതെന്ന് കുവൈറ്റ് സിവിൽ ഡിഫൻസ് നിർദ്ദേശിച്ചു.

ജനറൽ ഡയറക്ടറേറ്റ് ഓഫ് സിവിൽ ഡിഫൻസ് അസിസ്റ്റന്റ് ഡയറക്ടർ ജനറൽ ബ്രിഗേഡിയർ ജനറൽ ഖാലിദ് അബ്ദുൾറഹ്മാൻ അൽ-മുർഷുദ് ആണ് ഇതുസംബന്ധിച്ച നിർദ്ദേശം നൽകിയത്.

​പൊതുജന സുരക്ഷ മുൻനിർത്തിയാണ് ഈ ജാഗ്രതാ നിർദ്ദേശമെന്നും അദ്ദേഹം വ്യക്തമാക്കി. നിലവിലെ സാഹചര്യത്തിൽ പരിഭ്രാന്തരാകേണ്ടതില്ലെന്നും ജനങ്ങൾക്ക് ആവശ്യമായ സഹായങ്ങൾ ഉറപ്പാക്കാൻ അധികൃതർ സജ്ജമാണെന്നും അദ്ദേഹം അറിയിച്ചു.

​പ്രധാന അറിയിപ്പുകൾ:

ഭക്ഷ്യ സുരക്ഷ: രാജ്യത്ത് ഭക്ഷണസാധനങ്ങളുടെയും മറ്റ് അവശ്യവസ്തുക്കളുടെയും തന്ത്രപ്രധാനമായ ശേഖരം (Strategic Reserve) ആവശ്യത്തിനുണ്ടെന്ന് അദ്ദേഹം ഉറപ്പുനൽകി.

​ലഭ്യത: എല്ലാ വിതരണ കേന്ദ്രങ്ങളിലും ഭക്ഷ്യവസ്തുക്കൾ സുലഭമായി ലഭ്യമാണ്. അതിനാൽ അനാവശ്യമായ ആശങ്കകൾക്കോ സാധനങ്ങൾ വാരിക്കൂട്ടാനോ മുതിരേണ്ടതില്ലെന്ന് അധികൃതർ അറിയിച്ചു.

​ജാഗ്രത: ഔദ്യോഗിക അറിയിപ്പുകൾ മാത്രം വിശ്വസിക്കുകയെന്നും നിർദ്ദേശങ്ങൾ കർശനമായി പാലിക്കണമെന്നും ബ്രിഗേഡിയർ ജനറൽ ഖാലിദ് അൽ-മുർഷുദ് കൂട്ടിച്ചേർത്തു.
​