കുവൈത്തിൽ ഇന്ന് വൈകിട്ട് മുതൽ കാലാവസ്ഥ മെച്ചപ്പെടും; പൊടികാറ്റിനു ക്രമാതീതമായി കുറയും

കുവൈത്ത്: കുവൈത്തിൽ ഇപ്പോൾ അനുഭവപ്പെടുന്ന പൊടിക്കാറ്റ് കാരണം കാഴ്ച ദൂരം കുറയുന്ന സാഹചര്യത്തിൽ, ഇന്ന് (ചൊവ്വാഴ്ച) വൈകിട്ട് മുതൽ കാലാവസ്ഥയിൽ ഗണ്യമായ മെച്ചപ്പെടൽ പ്രതീക്ഷിക്കാമെന്ന് കാലാവസ്ഥാ വകുപ്പ് അറിയിച്ചു.

വകുപ്പ് ഡയറക്ടർ ദറാർ അൽ-അലി വ്യക്തമാക്കിയതനുസരിച്ച്, ഉച്ചവരെയെങ്കിലും ശക്തമായ കാറ്റ് തുടരുമെങ്കിലും, പിന്നീട് കാറ്റിന്റെ ശക്തി കുറയും.

ഇതിന്റെ ഫലമായി, വായുവിൽ നിറഞ്ഞ പൊടികണങ്ങൾ പതിയെ ഭൂമിയിലേക്ക് താഴ് കയും കാഴ്ച മെച്ചപ്പെടുകയും ചെയ്യും.

പൊടിമൂടൽ മൂലം ഗതാഗതം ഉൾപ്പെടെ പല മേഖലകളിലും ബുദ്ധിമുട്ടുണ്ടാകുന്ന സാഹചര്യത്തിലാണ് കാലാവസ്ഥയിലുണ്ടാകുന്ന ഈ അനുകൂല മാറ്റം.

പൊതുജനങ്ങൾ ജാഗ്രത പാലിക്കണമെന്നും പ്രത്യേകിച്ച്  കാലാവസ്ഥാ സാഹചര്യങ്ങളിലായി വാഹനങ്ങളിൽ സഞ്ചരിക്കുന്നവർ ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകിയിട്ടുണ്ട്.