വാസ്തു വിദ്യാ ലാൻഡ്മാർക്ക് ആയി തലയുയർത്തി കുവൈത്ത് ഗ്രാൻഡ് മസ്ജിദ്

കുവൈത്ത് സിറ്റി: രാജ്യത്തിന്റെ കണ്ണഞ്ചിപ്പിക്കുന്ന വാസ്തുവിദ്യാ ലാൻഡ്മാർക്ക് ആയി തലയുയർത്തി ഗ്രാൻഡ് മസ്ജിദ്. വിശിഷ്ടമായ ഇസ്ലാമിക കെട്ടിടമായാണ് ഇത് വിലയിരുത്തപ്പെടുന്നത്.

അന്തരിച്ച അമീർ ഷെയ്ഖ് ജാബർ അൽ അഹമ്മദ് അൽ ജാബർ അൽ സബാഹിൻ്റെ ഉത്തരവ് പ്രകാരമാണ് വിദഗ്ധരായ വാസ്തുശില്പികൾ വലിയ പള്ളി പണിയാൻ കൈകോർത്തത്. 1979-ൽ നിർമ്മാണം ആരംഭിച്ച് 1986 ലാണ് മസ്ജിദ് ഉദ്ഘാടനം ചെയ്തത്. കുവൈത്തിലെ ഏറ്റവും വലിയ പള്ളികളിൽ ഒന്നാണിത്.

സെയ്ഫ് കൊട്ടാരത്തിന് എതിർവശത്ത് 45,000 ചതുരശ്ര മീറ്റർ സ്ഥലത്താണ് ​ഗ്രാൻഡ് മസ്ജിദ് സ്ഥിതി ചെയ്യുന്നത്. 70,000 പേരെ ഉൾക്കൊള്ളാൻ കഴിയും. മസ്ജിദിൽ മൂന്ന് പ്രാർത്ഥനാ ഹാളുകളാണ് ഉൾപ്പെടുന്നത്.

പ്രധാന ഹാൾ, ദിവസേനയുള്ളത്, അമീരി ഹാളിന് പുറമെ സ്ത്രീകളുടെ വിഭാഗം എന്നിവയാണത്. 10,000 ആളുകളുടെ ശേഷിയുടെ മധ്യഭാഗത്താണ് ഒരു വലിയ താഴികക്കുടം ഉള്ളത്.

ഇത് ഭൂമിയിൽ നിന്ന് 43 മീറ്റർ ഉയരത്തിലാണ്. അതിൻ്റെ മധ്യഭാഗത്ത് ഒരു താഴികക്കുടം ഉണ്ട് .കുഫി കാലിഗ്രാഫിയിൽ അല്ലാഹുവിൻ്റെ ഹുസ്ന നാമങ്ങൾ കൊണ്ട് ഇത് അലങ്കരിച്ചിട്ടുണ്ട്.