പ്രവാസി മലയാളി ഷാര്‍ജയില്‍ ഹൃദയാഘാതത്തെ തുടര്‍ന്ന് നിര്യാതനായി

ഷാർജ: മലപ്പുറം സ്വദേശി ഷാര്‍ജയില്‍ ഹൃദയാഘാതത്തെ തുടര്‍ന്ന് നിര്യാതനായി. കരുവാരക്കുണ്ട്‌ പാറമ്മൽ വീട്ടിൽ മുഹമ്മദ്​ ഹസൻ (54) ആണ് മരിച്ചത്. കഴിഞ്ഞ ദിവസം രാത്രി താമസസ്ഥലത്ത്​ വെച്ച്​ നെഞ്ചു​വേദന അനുഭവപ്പെടുകയായിരുന്നു.

തുടർന്ന് ഷാർജ അൽ ഖാസിമി ആശുപത്രിയിൽ എത്തിച്ചെങ്കിലും ജീവന്‍ രക്ഷിക്കാനായില്ല. അജ്​മാനിൽ എംപയർ അഡ്വർടൈസിങ്​ ആൻഡ്​ ഇന്‍റീരിയർ ഡിസൈൻ എന്ന സ്ഥാപനം നടത്തുകയായിരുന്നു. പിതാവ്: പാറമ്മൽ ഹംസ. മാതാവ്​: ആമിന. ഭാര്യ: സൗദ.