സന്ദർശന വിസയിൽ വീണ്ടുമെത്തി; മലയാളി വനിതയ്ക്ക് പ്രവാസ ദേശത്ത് അന്ത്യം

ജിദ്ദ​:   റിയാദിൽ ദീർഘകാലം  കുടുംബ സമേതം ജീവിച്ച മലയാളി വനിത പ്രവാസം മതിയാക്കി മടങ്ങിയ ശേഷം വീണ്ടും പ്രവാസ ദേശത്തേക്ക് വന്നത് പരലോക യാത്രയ്ക്കായി.  

രണ്ടാഴ്ച്ച മുമ്പ് സന്ദർശന വിസയിൽ റിയാദിലെ മക്കളുടെ അടുത്തേക്ക് എത്തിയ  മലപ്പുറം, ഒതുക്കങ്ങൽ, സ്വദേശിനിയും എറമു കുരുണിയൻ - ഫാത്തിമ കൂരിമണ്ണിൽ ദമ്പതികളുടെ മകളുമായ സാബിറ കുരുണിയൻ (58) ആണ് റിയാദ് കെയർ  ആശുപത്രിയിൽ അന്ത്യശ്വാസം വലിച്ചത്.

ഭർത്താവ്: ഗൾഫ് മാധ്യമം റിയാദ് ലേഖകനും തനിമ കലാസാംസ്​കാരിക വേദി ഭാരവാഹിയുമായിരുന്ന അസ്​ഹർ പുള്ളിയിൽ.   മക്കൾ:  ശാദിയ ഫിർദൗസ, ശമീമ ഫിർദൗസ (രണ്ടുപേരും റിയാദ്​).  

മരുമക്കൾ: ഇ വി അനീസ് (ജിദ്ദ)​, അസ്​ഹർ അഷ്​റഫ് (റിയാദ്​)​.  സ​ഹോദരങ്ങൾ: മായിൻ, കുഞ്ഞാലൻകുട്ടി, ആമിന, മറിയുമ്മ, റുഖിയ, ജൽസത്ത്​, സാഹിദ. 

റിയാദിലെത്തി ദിവസങ്ങൾക്ക് ശേഷം  പക്ഷാഘാതം ഉണ്ടാവുകയും  വെൻറിലേറ്ററിൽ  ചികിത്സയിലാവുകയുമായിരുന്നു.  

അസുഖ വിവരമറിഞ്ഞ്​ ഭർത്താവ്  അന്ന് തന്നെ റിയാദിലെത്തിയിരുന്നു. റിയാദ്​ കെയർ ആശുപത്രി മോർച്ചറിയിൽ സൂക്ഷിച്ചിരിക്കുന്ന  നാട്ടിലെത്തിക്കാനുള്ള നടപടികൾ പുരോഗമിക്കുന്നു.