വിത്യസ്ത ഇനങ്ങളിൽ പെട്ട 40 പ്രാവുകളെ മോഷ്ടിച്ചു; പരാതിയുമായി ഉടമ

കുവൈറ്റ്: കബ്ദ് ഏരിയയിലെ പ്രാവ് കൂട്ടിൽ നിന്ന് 40 ഓളം വിലയേറിയ പ്രാവുകൾ മോഷണം പോയതായി ഗൾഫ് പൗരൻ കബ്ദ് പോലീസ് സ്റ്റേഷനിൽ പരാതി നൽകി.

മോഷണം പോയ പ്രാവുകൾ ലേലത്തിനായി ഉദ്ദേശിച്ചിരുന്ന ഉയർന്ന ഇനം പ്രാവുകളാണെന്ന് പരാതിക്കാരനായ അൽ-സുൽത്താൻ പോലീസിനെ അറിയിച്ചു.

കൂട്ടിൽ ബലമായി പ്രവേശിച്ചതിന്റെ അടയാളങ്ങളൊന്നും ഇല്ലെന്നും, മതിലിന് മുകളിലൂടെ കയറിയാണ് മോഷ്ടാവ് അകത്ത് പ്രവേശിച്ചതെന്നാണ് കരുതുന്നതെന്നും അദ്ദേഹം പോലീസിനോട് പറഞ്ഞു. തനിക്ക് പ്രത്യേകിച്ചാരെയും സംശയമില്ലെന്നും അദ്ദേഹം കൂട്ടിച്ചേർത്തു.

സംഭവം സംബന്ധിച്ച് പോലീസ് അന്വേഷണം ആരംഭിച്ചിട്ടുണ്ട്. പ്രതിയെ തിരിച്ചറിയാനും മോഷണം പോയ പ്രാവുകളെ കണ്ടെത്താനുമുള്ള ശ്രമങ്ങൾ നടന്നുവരികയാണ്.