കുവൈത്തിൽ അമേരിക്കൻ സൈനിക വിമാനങ്ങൾ തകർന്നു വീണു; പൈലറ്റുമാർ അത്ഭുതകരമായി രക്ഷപ്പെട്ടു

കുവൈത്ത്: കുവൈത്തിൽ വെച്ച് അമേരിക്കൻ സൈന്യത്തിന്റെ ഏതാനും വിമാനങ്ങൾ തകർന്നുവീണതായി പ്രതിരോധ മന്ത്രാലയം ഔദ്യോഗികമായി സ്ഥിരീകരിച്ചു. വിമാനത്തിലുണ്ടായിരുന്ന എല്ലാ ജീവനക്കാരും സുരക്ഷിതരാണെന്നും ആർക്കും ജീവഹാനി സംഭവിച്ചിട്ടില്ലെന്നും മന്ത്രാലയം അറിയിച്ചു.

അപകടം നടന്ന ഉടൻ തന്നെ കുവൈത്ത് അധികൃതർ തിരച്ചിലിനും രക്ഷാപ്രവർത്തനത്തിനുമായി സ്ഥലത്തെത്തി. പൈലറ്റുമാരെയും മറ്റ് ക്രൂ അംഗങ്ങളെയും ഉടൻ തന്നെ ആശുപത്രിയിലേക്ക് മാറ്റി.

ആശുപത്രിയിൽ പ്രവേശിപ്പിച്ച സൈനികരുടെ ആരോഗ്യനില നിലവിൽ തൃപ്തികരമാണെന്നും അവർ നിരീക്ഷണത്തിലാണെന്നും അധികൃതർ വ്യക്തമാക്കി.

അപകടത്തെക്കുറിച്ച് അമേരിക്കൻ സൈന്യവുമായി നേരിട്ട് ഏകോപനം നടത്തിവരികയാണ്. സാങ്കേതിക നടപടികൾ സംയുക്തമായി പൂർത്തിയാക്കും.

വിമാനങ്ങൾ തകരാനുണ്ടായ യഥാർത്ഥ കാരണം കണ്ടെത്താൻ വിപുലമായ അന്വേഷണം ആരംഭിച്ചിട്ടുണ്ട്.
സമൂഹമാധ്യമങ്ങളിൽ പ്രചരിക്കുന്ന അഭ്യൂഹങ്ങൾ വിശ്വസിക്കരുതെന്നും ഔദ്യോഗിക സ്രോതസ്സുകളിൽ നിന്നുള്ള വിവരങ്ങൾ മാത്രം ആശ്രയിക്കണമെന്നും പ്രതിരോധ മന്ത്രാലയം വക്താവ് ജനങ്ങളോട് അഭ്യർത്ഥിച്ചു.