കുവൈറ്റിൽ പാർപ്പിട മേഖലകളിലെ സ്വകാര്യ സ്കൂളുകൾ 2028-ഓടെ നിർത്തലാക്കുന്നു

കുവൈറ്റ്: കുവൈറ്റിലെ ജനവാസ മേഖലകളിൽ പ്രവർത്തിക്കുന്ന സ്വകാര്യ സ്കൂളുകളുടെ ലൈസൻസ് റദ്ദാക്കാൻ അധികൃതർ തീരുമാനിച്ചു. 2027-2028 അധ്യയന വർഷം അവസാനത്തോടെ ഇത്തരത്തിലുള്ള എല്ലാ സ്കൂളുകളും പ്രവർത്തനം അവസാനിപ്പിക്കണമെന്നാണ് നിർദ്ദേശം.

ഇതുസംബന്ധിച്ച മുനിസിപ്പൽ കൗൺസിലിന്റെ ശുപാർശയ്ക്ക് നഗരസഭ കാര്യ മന്ത്രി അബ്ദുൽ ലത്തീഫ് അൽ മിഷാരി അംഗീകാരം നൽകി.  അന്ത്യശാസനം: 2027-2028 അധ്യയന വർഷത്തോടെ റെസിഡൻഷ്യൽ ഏരിയകളിലെ സ്കൂളുകൾ പൂർണ്ണമായും മാറ്റണം.

നിശ്ചിത സമയപരിധിക്ക് ശേഷം ഈ സ്കൂളുകളുടെ ലൈസൻസുകൾ പുതുക്കി നൽകില്ല. സ്കൂളുകൾക്കായി അനുവദിക്കുന്ന പുതിയ സ്ഥലങ്ങളിൽ ഗതാഗത വകുപ്പിന്റെ പ്രത്യേക അനുമതിയും ട്രാഫിക് പഠന റിപ്പോർട്ടും നിർബന്ധമാക്കിയിട്ടുണ്ട്.

 നിയമം ലംഘിച്ച് പ്രവർത്തിക്കുന്ന സ്ഥാപനങ്ങൾക്കെതിരെ വൈദ്യുതി ബന്ധം വിച്ഛേദിക്കുന്നത് ഉൾപ്പെടെയുള്ള കർശന നടപടികൾ സ്വീകരിക്കാൻ വിദ്യാഭ്യാസ മന്ത്രാലയത്തിന് നിർദ്ദേശം നൽകി.
പാർപ്പിട മേഖലകളിലെ അമിതമായ ഗതാഗത തിരക്ക് കുറയ്ക്കാനും, താമസക്കാരുടെ സ്വൈര്യജീവിതം ഉറപ്പാക്കാനുമാണ് ഈ നീക്കം.

കൂടാതെ, സ്കൂളുകൾക്ക് സുരക്ഷാ മാനദണ്ഡങ്ങൾ പാലിക്കുന്നതിനായി പ്രത്യേകമായി നീക്കിവെച്ചിട്ടുള്ള കെട്ടിടങ്ങളിൽ മാത്രമേ പ്രവർത്തനാനുമതി നൽകൂ എന്നും അധികൃതർ വ്യക്തമാക്കിയിട്ടുണ്ട്.

പുതിയ സ്ഥലങ്ങൾ അനുവദിച്ച ശേഷം സ്കൂളുകൾക്ക് മാറുന്നതിനായി മൂന്ന് വർഷത്തെ സാവകാശം നൽകുമെന്നും റിപ്പോർട്ടുകൾ