റമദാന്‍ മാസത്തില്‍ കുവൈത്തിലെ സര്‍ക്കാര്‍ ഏജന്‍സികളുടെ ജോലി സമയം പുനഃക്രമീകരിച്ച് സിവില്‍ സര്‍വീസ് കമ്മീഷന്‍

കുവൈത്ത് സിറ്റി: റമദാന്‍ മാസത്തില്‍ കുവൈത്തിലെ സര്‍ക്കാര്‍ ഏജന്‍സികളുടെ ജോലി സമയം പുനഃക്രമീകരിച്ച് സിവില്‍ സര്‍വീസ് കമ്മീഷന്‍.

 റമദാന്‍ മാസത്തിലെ ഔദ്യോഗിക ജോലി സമയം സംബന്ധിച്ച തീരുമാനത്തില്‍ സര്‍ക്കാര്‍ ഏജന്‍സികള്‍ കൃത്യത പാലിക്കേണ്ട പ്രാധാന്യം സിവില്‍ സര്‍വീസ് കമ്മീഷന്‍ (സിഎസ്സി) എടുത്തുപറഞ്ഞു. രാവിലെയും വൈകുന്നേരവുമായി ഷിഫ്റ്റുകള്‍ക്ക് നാലര മണിക്കൂര്‍ വീതമുള്ള ഒരു ഫ്‌ലെക്‌സിബിള്‍ പ്രവര്‍ത്തന സംവിധാനം വിവരിക്കുന്ന സര്‍ക്കുലര്‍ പുറത്തിറക്കി.

റമദാനിലെ ജോലി രാവിലെ 8:30 മുതല്‍ 10:30 വരെയുള്ള സമയത്ത് ആരംഭിക്കുമെന്ന്  സിഎസ്സി വ്യക്തമാക്കി. ജോലിയുടെ ആവശ്യകതകളെ അടിസ്ഥാനമാക്കി കൃത്യമായ ആരംഭ, അവസാന സമയങ്ങള്‍ നിര്‍ണ്ണയിക്കാന്‍ സര്‍ക്കാര്‍ ഏജന്‍സികള്‍ക്ക് അധികാരമുണ്ട്.

 സിവില്‍ സര്‍വീസ് കൗണ്‍സിലിന്റെ തീരുമാനത്തില്‍ വിവരിച്ചിരിക്കുന്നതുപോലെ, സര്‍ക്കാര്‍ ഏജന്‍സികള്‍ വിരലടയാള ഹാജര്‍ സംവിധാനം ഉപയോഗിക്കുന്നത് തുടരേണ്ടതിന്റെ ആവശ്യകത കമ്മീഷന്‍ ആവര്‍ത്തിച്ചു.

ഔദ്യോഗിക ജോലി സമയം സംബന്ധിച്ച സ്ഥാപിത നിയമങ്ങളും വ്യവസ്ഥകളും നിയന്ത്രണങ്ങളും പാലിക്കുന്നുണ്ടെന്ന് ഈ സംവിധാനം ഉറപ്പാക്കുന്നു.

വൈകുന്നേരത്തെ  ഔദ്യോഗിക ജോലി സമയം സംബന്ധിച്ച 2024 ലെ സിവില്‍ സര്‍വീസ് ബ്യൂറോ സര്‍ക്കുലര്‍ നമ്പര്‍ (12) അനുസരിച്ച്  ഔദ്യോഗിക ജോലി സമയം നാലര മണിക്കൂര്‍ നേരത്തേക്കായിരിക്കും. 

ഇത് പ്രകാരം  വിശുദ്ധ റമദാന്‍ മാസത്തില്‍ ജോലി സമയം ആരംഭിക്കുന്നത് വൈകുന്നേരം ആറ് മണി മുതല്‍  ആറ് നാല്പത്തിയഞ്ചിന് ഇടയിലായിരിക്കും.