കുവൈറ്റില്‍ ഡ്രൈവിംഗ് ടെസ്റ്റ് അപ്പോയ്ന്റ്‌മെന്റ് ഇനി മുതല്‍ സഹല്‍ ആപ്പ് വഴി

കുവൈറ്റ്:  കുവൈറ്റില്‍ വെബ്സൈറ്റ് വഴിയുള്ള ഡ്രൈവിംഗ് ടെസ്റ്റുകള്‍ക്കുള്ള ഓണ്‍ലൈന്‍ അപ്പോയിന്റ്‌മെന്റ് ബുക്കിംഗ് സേവനം താല്‍ക്കാലികമായി നിര്‍ത്തിവച്ചതായി ആഭ്യന്തര മന്ത്രാലയം ചൊവ്വാഴ്ച അറിയിച്ചു.

പകരം, 'അപ്പോയിന്റ്മെന്റുകള്‍' എന്നതിന് കീഴില്‍ ഇലക്ട്രോണിക് സേവനങ്ങള്‍ക്കായുള്ള ഏകീകൃത സര്‍ക്കാര്‍ ആപ്ലിക്കേഷനായ സഹേല്‍ വഴി അപ്പോയിന്റ്മെന്റുകള്‍ ബുക്ക് ചെയ്യാം. 

ഇടപാടുകള്‍ പൂര്‍ത്തിയാക്കുമ്പോള്‍ പൗരന്മാര്‍ക്കും താമസക്കാര്‍ക്കും സമയവും പരിശ്രമവും ലാഭിക്കുക എന്ന ലക്ഷ്യത്തോടെ ട്രാഫിക് സംവിധാനം നവീകരിക്കുന്നതിനും ട്രാഫിക് സേവനങ്ങള്‍ ഡിജിറ്റലൈസ് ചെയ്യുന്നതിനുമുള്ള ശ്രമങ്ങളുടെ ഭാഗമായി നാളെ ബുധനാഴ്ച മുതല്‍ ഈ മാറ്റം പ്രാബല്യത്തില്‍ വരുമെന്ന് മന്ത്രാലയം അറിയിച്ചു.