/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/01/23/Pnw5SWNdgLvfoTSajxNE.jpg)
കുവൈത്ത്: അംഗങ്ങളുടെ ആരോഗ്യശീലം വര്‍ദ്ധിപ്പിക്കുക, കായികവിനോദങ്ങളെ പ്രോത്സാഹിപ്പിക്കുക എന്ന ലക്ഷ്യത്തോട് കൂടി സാരഥി കുവൈറ്റ് 2025 ഫെബ്രുവരി 14- വെള്ളിയാഴ്ച '83 ല്‍ പരം കായിക മത്സരങ്ങളും വാര്‍ഷിക പിക്‌നിക്കും കോര്‍ത്തിണക്കി സ്പോര്ട്നിക്ക് 2025 എന്ന പേരില്‍ അഹമ്മദി അല്‍ഷബാബ് സ്‌പോര്‍ട്‌സ് സ്റ്റേഡിയത്തില്‍ വെച്ചു മത്സരങ്ങള്‍ സംഘടിപ്പിക്കുന്നു.
സാരഥി കുവൈറ്റ് വനിതാ വേദി അവതരിപ്പിച്ച കലോത്സവം സര്‍ഗ്ഗസംഗമം 2025 ന്റെ സമാപന ചടങ്ങില്‍ വെച്ച് ഇന്ത്യന്‍ എംബസി ഫസ്റ്റ് സെക്രട്ടറി മനസ് രാജ് പട്ടേല്‍ സ്പോര്‍ട്നിക് 2025 ന്റെ ഫ്‌ലയര്‍ സ്പോര്ട്നിക്ക് ജനറല്‍ കണ്‍വീനര്‍ സിജു സദാശിവനില്‍ നിന്നും ഏറ്റു വാങ്ങി പ്രകാശനം ചെയ്തു
അംഗങ്ങള്‍ക്കിടയില്‍ ആരോഗ്യവും കായിക അഭിരുചിയും പ്രോത്സാഹിപ്പിക്കുന്നതിനുള്ള ശ്രമങ്ങളെ വേദിയില്‍ വെച്ച് അദ്ദേഹം അഭിനന്ദിച്ചു കൊണ്ടു സ്പോര്ട്നിക്ക് 2025 ന് ആശംസകള്‍ നേര്‍ന്നു.
സാരഥിയുടെ 16 പ്രദേശിക സമിതികളില്‍ നിന്നുള്ള കായികപ്രമികള്‍ മത്സരങ്ങളില്‍ അണിനിരക്കുന്നതിനൊപ്പം യൂണിറ്റുകളുടെ വര്‍ണ്ണാഭമായ മാര്‍ച്ച് പാസ്‌ററ് കായിക മേളയുടെ മുഖ്യആകര്‍ഷണമാകും
കുട്ടികള്‍ക്കും മുതിര്‍ന്നവര്‍ക്കുമായി വിവിധ വിനോദങ്ങള്‍ ഉള്‍പ്പെടുത്തിയുള്ള പിക്‌നിക്കും കുവൈറ്റിലെ ആതുരസേവനരംഗത്തെ സ്ഥാപനങ്ങളുടെ സഹായത്തോടെ മെഡിക്കല്‍ക്യാമ്പും സ്പോര്ട്നിക്ക് 2025 ന്റെ ഭാഗമാകും.