"ഇന്ത്യ." (ഇന്ത്യൻ നാഷണൽ ഡെവലൊപ്മെന്റൽ ഇൻക്ലസിവ് അലയൻസ്). മതേതരത്വത്തിന്റെ പ്രതീക്ഷ - എന്ന വിഷയത്തിൽ ചർച്ചയും വളണ്ടിയർമാരെ ആദരിക്കലും അരങ്ങേറി

ജിദ്ദ:  ഈ വര്ഷം ഹജ്ജ്  വളണ്ടിയർ സേവനം ചെയ്ത ഏറനാട്  മണ്ഡലത്തിൽ നിന്നുള്ള കെ എം സി സി പ്രവർത്തകരെ ജിദ്ദ ഏറനാട് മണ്ഡലം കെ എം സി സി ആദരിച്ചു. ഷറഫിയ സ്നേഹം സ്പർശം ഓഡിറ്റോറിയത്തിൽ നടന്ന ആദരിക്കൽ പരിപാടിയുടെ ഭാഗമായി  നടന്ന പൊതുയോഗത്തിൽ  "I.N.D.I.A." (Indian National Developmental Inclusive Alliance).  മതേതരത്വത്തിന്റെ പ്രതീക്ഷ - എന്ന വിഷയത്തിൽ - ചർച്ച സംഘടിപ്പിക്കുകയും ചെയ്തു. 

പരിപാടി ജിദ്ദ കെ എം സി സി സെന്ററൽ കമ്മിറ്റി വൈസ് പ്രസിഡന്റ് റസാക്ക് മാസ്റ്റർ ഉൽഘാടനം ചെയ്തു. കടുത്ത ചൂടിലും അഷ്ട ദിക്കിൽ നിന്ന് വന്ന ഹാജ്ജിമാർക്ക് സേവനം ചെയ്ത സന്നദ്ധ പ്രവർത്തകരെ അദ്ദേഹം മുക്തകണ്ഠം അഭിനന്തിച്ചു. മലപ്പുറം ജില്ലാ കെ എം സി സി ജിദ്ദ കമ്മിറ്റി ജനറൽ സെക്രട്ടറി ഹബീബ് കല്ലൻ മുഖ്യ പ്രഭാഷണം നടത്തി.  

ലോകത്ത് ഇന്ത്യയുടെ എസ്സസ് ഉയർത്തുന്ന പ്രധാന ഘടകമായ മതേതരത്വം ഇല്ലാതായികൊണ്ടിരിക്കുന്ന സാഹചര്യത്തിൽ  "I.N.D.I.A." മതേതരത്വത്തിന്റെ പ്രതീക്ഷതന്നെയാണ് - ഇതുവരെയുള്ള പ്രവർത്തങ്ങൾ അതാണ് കാണിക്കുന്നത് എന്നും ഹബീബ് പറഞ്ഞു. ഏറനാട് മണ്ഡലം കെ എം സി സി പ്രസിഡന്റ് അഷ്‌റഫ് എം കെ കിഴുപറമ്പ് അദ്യക്ഷധ  വഹിച്ചു. ജനറൽ സെക്രട്ടറി സൈതലവി പുളിയങ്കോട് ആമുഖ പ്രഭാഷണം നടത്തി. 

സെന്റർ കമ്മിറ്റി സെക്ടറിയും വളണ്ടിയർ ക്യാപ്ടനുമായ ശിഹാബ് താമരക്കുളം, ജില്ലാ ഭാരവാഹികളായ സാബിൽ മമ്പാട്, സുൽഫീക്കർ ഒതായി, മണ്ഡലം ഭാരവാഹികളും പഞ്ചയാത്ത്  ഭാരവാഹിളുമായ, മൊയ്‌ദീൻ കുട്ടി കാവനൂർ, സലാം കെ വി, കാവനൂർ, അബ്ദുറഹിമാൻ തങ്ങൾ അരീക്കോട്, അലി കിഴുപറമ്പ്, ബക്കർ കുഴിമണ്ണ, ഫിറോസ് എടവണ്ണ, ഫൈസൽ ബാബു ഒതായി, അനസ് ചാലിയാർ എന്നിവർ സംസാരിക്കുകയും വളന്റിയര്മാര്ക്കുള്ള സെർട്ടിഫിക്കറ്റ് നൽകുകയും ചെയ്തു.

സുനീർ എക്കാപറമ്പ് ഖിറത്തും, മൻസൂർ കെ സി അരീക്കോട് നന്ദിയും പറഞ്ഞു.