അറ്റകുറ്റപ്പണി; ദോഹ മെട്രോ ഗോൾഡ് ലൈനിൽ വെള്ളിയാഴ്ച സർവീസ് ഉണ്ടാകില്ല; പകരമായി മെട്രോ ലിങ്ക് ബസുകൾ സർവീസ് നടത്തും

ദോഹ: അറ്റകുറ്റപ്പണികളെ തുടർന്ന് ദോഹ മെട്രോ ഗോൾഡ് ലൈനിൽ വെള്ളിയാഴ്ച സർവീസ് ഉണ്ടാകില്ല. യാത്രക്കാർക്ക് ​ഗതാ​ഗത തടസം നേരിടാതിരിക്കാനായി മെട്രോ ലിങ്ക് ബസുകൾ ഇതിനുപകരം സർവ്വീസ് നടത്തുമെന്ന് അധികൃതർ അറിയിച്ചു. 

അൽ അസീസിയയിൽ നിന്ന് റാസ് ബു അബൗദിലേക്കും തിരിച്ചും, അൽ സദ്ദിനും ബിൻ മഹ്മൂദിനും ഇടയിലുമാണ് മെട്രോ ലിങ്ക് ബസ് സർവീസ് നടത്തുക.

റാസ് ബു അബൗദ്-അൽ അസീസിയ റൂട്ടിൽ ഓരോ 5 മിനിറ്റിലും അൽ സദ്ദ്-ബിൻ മഹമൂദിന് ഇടയിൽ ഓരോ 10 മിനിറ്റിലും ബസ് സർവീസ് ഉണ്ടായിരിക്കും.