ജിദ്ദയിൽ അബീർ - ബ്ലൂസ്റ്റാർ സോക്കർ ഫെസ്റ്റിൽ വെള്ളിയാഴ്ച ആരവമുയരും. കലാശം സെപ്റ്റംബർ അഞ്ചിന്

ജി​ദ്ദ: മലയാളി പ്രവാസി സോക്കർ  ടീമുകളെ  പങ്കെടുപ്പിച്ച് കൊണ്ട്  ജിദ്ദയിലെ പ്രബലരായ  ബ്ലൂസ്റ്റാർ ക്ലബ്  സംഘടിപ്പിക്കുന്ന   അബീർ - ബ്ലൂസ്റ്റാർ സോക്കർ ഫെസ്റ്റ്  വെള്ളിയാഴ്ച  ആരംഭിക്കും.     

ജി​ദ്ദാ  ഖാ​ലി​ദ് ബി​ൻ വ​ലീ​ദ്  സ്ട്രീ​റ്റി​ലു​ള്ള അ​ൽറു​സൂ​ഫ്  സ്റ്റേ​ഡി​യ​ത്തിൽ വൈകീട്ട് ഏഴിന്  അ​ബീ​ർ മെ​ഡി​ക്ക​ൽ ഗ്രൂ​പ്പ് എ​ക്സി​ക്യൂ​ട്ടീ​വ് ഡ​യ​റ​ക്ട​ർ ഡോ. ​അ​ഹ​മ്മ​ദ് ആ​ലു​ങ്ങ​ൽ,  സൗ​ദി ഇ​ന്ത്യ​ൻ ഫു​ട്ബാ​ൾ ഫോ​റം (സി​ഫ്) പ്ര​സി​ഡ​ൻ​റ്​ ബേ​ബി നീ​ലാ​മ്പ്ര എ​ന്നി​വ​ർ ചേർന്ന് ടൂർണമെന്റിന് കൊടി വീശും.

ഉ​ദ്ഘാ​ട​ന​ത്തോ​ട​നു​ബ​ന്ധി​ച്ച്   ഹരം പകർന്ന്   പ്രവാസി  ക​ലാ​കാ​ര​ന്മാ​രു​ടെ നേ​തൃ​ത്വ​ത്തി​ലു​ള്ള സി​നി​മാ​റ്റി​ക് ഡാ​ൻ​സ്,  ഒ​പ്പ​ന,  സം​ഗീ​ത നി​ശ,  മു​ട്ടി​പ്പാട്ട്  എന്നിവയും  സംഘടിപ്പിച്ചിട്ടുണ്ട്. 

സിഫ്  സോക്കർ  കൂട്ടായ്മയിലെ അം​ഗങ്ങളായ  ക്ല​ബു​ക​ളെ പ​ങ്കെ​ടു​പ്പി​ച്ച്  അരങ്ങേറുന്ന  സോക്കർ ഫെസ്റ്റ്  സെപ്റ്റംബർ അഞ്ച്  വരെ നീണ്ടുനിൽക്കും.

എ​ല്ലാ വെ​ള്ളി​യാ​ഴ്ച​ക​ളി​ലും വൈ​കീ​ട്ട് ഏ​ഴ്‌  മു​തലായിരിക്കും മത്സരം.നാ​ല് വി​ഭാ​ങ്ങ​ളി​ലാ​യി  ദിവസവും  നാ​ല് വീതം  മ​ത്സ​ര​ങ്ങ​ൾ  ഉണ്ടായിരിക്കും.  

സി​ഫ്‌ എ ​ഡി​വി​ഷ​ൻ ടീ​മു​ക​ളാ​യ ചാം​സ് സ​ബീ​ൻ, എ​ൻ​കം​ഫ​ർ​ട് എ ​സി ​സി എ ​ടീം, ബ്ലാ​സ്റ്റേ​ഴ്‌​സ്, റീം ​റി​യ​ൽ കേ​ര​ള എ​ന്നീ പ്ര​മു​ഖ ടീ​മു​ക​ൾ മ​ത്സ​രി​ക്കു​ന്ന സൂ​പ്പ​ർ ലീ​ഗ്,  സി​ഫ് ബി ​ഡി​വി​ഷ​നി​ലെ എ​ട്ട് ടീ​മു​ക​ൾ മ​ത്സ​രി​ക്കു​ന്ന സെ​ക്ക​ൻ​ഡ് ഡി​വി​ഷ​ൻ ലീ​ഗ്, 17 വ​യ​സ്സി​ന് താ​ഴെ​യു​ള്ള​വ​രു​ടെ ജൂ​നി​യ​ർ ലീ​ഗ്, വെ​റ്റ​റ​ൻ​സ് ലീ​ഗ് എ​ന്നിവയാണ്  നാ​ല് വി​ഭാ​ഗ​ങ്ങൾ. 

ടൂ​ർ​ണ​മെ​ന്റി​ന്റെ ഫി​ക്സ്ച​ർ പ്ര​കാ​ശ​നം അ​ബീ​ർ മെ​ഡി​ക്ക​ൽ ഗ്രൂ​പ് മാ​ർ​ക്ക​റ്റി​ങ് മാ​നേ​ജ​ർ ഡോ. ​ഇ​മ്രാ​ൻ നിർവഹിച്ചു.   സി​ഫ് ജ​ന​റ​ൽ സെ​ക്ര​ട്ട​റി നി​സാം മ​മ്പാട്  ഏറ്റുവാങ്ങി.  ബ്ലൂ ​സ്​​റ്റാ​ർ ക്ല​ബ് പ്ര​സി​ഡ​ൻ​റ്​ ഷ​രീ​ഫ് പ​ര​പ്പ​ൻ അ​ധ്യ​ക്ഷ​ത വ​ഹി​ച്ചു.  

സി​ഫ് വൈ​സ് പ്ര​സി​ഡ​ൻ​റ്​ സ​ലിം മ​മ്പാ​ട്, മു​ൻ പ്ര​സി​ഡ​ൻ​റ്​ ഹി​ഫ്‌​സു​റ​ഹ്‌​മാ​ൻ, മു​ൻ ജ​ന​റ​ൽ സെ​ക്ര​ട്ട​റി ഷ​ബീ​റ​ലി ല​വ,  മീ​ഡി​യ ഫോ​റം പ്ര​തി​നി​ധി സാ​ദി​ഖ​ലി തു​വ്വൂ​ർ തു​ട​ങ്ങി​യ​വ​ർ ആ​ശം​സ​ക​ൾ നേ​ർ​ന്നു.   ജി​ദ്ദ​യി​ലെ പ്ര​ശ​സ്ത ക​ലാ​കാ​ര​ന്മാ​ർ അ​ണി​നി​ര​ന്ന സം​ഗീ​ത നി​ശ​യും  ഉണ്ടായിരുന്നു. 

ശ​രീ​ഫ് സാം​സ​ങ്, ആ​ദം ക​ബീ​ർ, ര​ജീ​ഷ് അ​രി​പ്ര, മു​സ്‌​ത​ഫ ഒ​തു​ക്കു​ങ്ങ​ൽ, മു​സ്‌​ത​ഫ മേ​ൽ​മു​റി, അ​ൻ​വ​ർ ഒ​തു​ക്കു​ങ്ങ​ൽ, നി​ഷാ​ദ് മ​ങ്ക​ട, സു​ബൈ​ർ അ​രീ​ക്കോ​ട്, അ​സ്‌​ക​ർ ജൂ​ബി​ലി, അ​ജീ​ഷ് ക​രു​വാ​ര​ക്കു​ണ്ട് തു​ട​ങ്ങി​യ​വ​ർ നേ​തൃ​ത്വം ന​ൽ​കി.കു​ഞ്ഞാ​ലി അ​ബീ​ർ ന​ന്ദി പ​റ​ഞ്ഞു.