റെഡ് സീ അന്താരാഷ്ട്ര ചലച്ചിത്ര മേളയ്ക്ക് ജിദ്ദയിൽ പുതിയ തിരി തെളിയുന്നു; ലോകസിനിമ ഒരുമിക്കുന്നു.പുതിയ പ്രതിഭകൾക്ക് ലോക വേദിയിലേക്കുള്ള പ്രവേശന കവാടം തുറക്കും

ജിദ്ദ: ജിദ്ദയിലെ ചരിത്രപ്രസിദ്ധമായ ബലദ് വീണ്ടും സിനിമയുടെ മഹോത്സവാർത്ഥിയായി മാറുകയാണ്.

റെഡ് സീ അന്താരാഷ്ട്ര ചലച്ചിത്ര മേളയുടെ അഞ്ചാം പതിപ്പ് ഡിസംബർ 4 മുതൽ 13 വരെ നടക്കും. 

ആഗോള സിനിമകൾ സൗദി പ്രേക്ഷകർക്ക് പരിചയപ്പെടുത്തുന്നതിനോടൊപ്പം, നാട്ടിലെ പുതിയ പ്രതിഭകൾക്ക് ലോക വേദിയിലേക്കുള്ള പ്രവേശന കവാടം തുറക്കുക എന്നതാണ് മേളയുടെ ലക്ഷ്യം.

ഇവർഷം ഇന്ത്യയിൽ നിന്നുള്ള രണ്ട് സിനിമകളും മേളയിൽ പ്രദർശിപ്പിക്കും. കൂടാതെ, ബോളിവുഡിലെ എക്കാലത്തെയും പ്രിയങ്കരിയായ രേഖയുൾപ്പെടെ പ്രശസ്ത താരങ്ങളും സംവിധായകരും ജിദ്ദയിലെത്തുന്നുവെന്ന വാർത്ത ഇന്ത്യൻ സിനിമപ്രേമികളിൽ വലിയ ഉത്സാഹം സൃഷ്ടിച്ചിട്ടുണ്ട്.

മേളയുടെ പ്രധാന ആകർഷണമായ ‘റെഡ് സീ സൂഖ്’ ഡിസംബർ 6 മുതൽ 10 വരെ നടക്കും. അറബ് ലോകത്തിലെ ഏറ്റവും വലിയ സിനിമാ വിപണിയായ ഈ വേദിയിൽ 45 രാജ്യങ്ങളിൽ നിന്നുള്ള 160 പ്രദർശകർ പങ്കെടുക്കുന്നു.

പ്രൊഫഷണൽ വളർച്ചയ്‌ക്കായി വർക്ക്ഷോപ്പുകളും പരിശീലനങ്ങളും പാനൽ ചർച്ചകളും ഇവിടെ സംഘടിപ്പിക്കും.

സൂഖ് ടോക്ക്സ് പരിപാടിയിൽ അന്താരാഷ്ട്ര വിദഗ്ധർ സിനിമാ വ്യവസായത്തെ മാറ്റിമറിക്കും