സൗദിയുടെ എഫ് -15 എസ്എ യുദ്ധവിമാനം പരിശീലനത്തിനിടെ തകർന്നു; അതിലുണ്ടായിരുന്നവർക്കെല്ലാം ജീവഹാനി

ജിദ്ദ: ഒരു റോയൽ സൗദി എയർഫോഴ്സ് എഫ് -15 എസ്എ യുദ്ധവിമാനം തകർന്ന് വീണു. ദക്ഷിണ സൗദിയിലെ ഖമീസ് മുഷൈത്ത് പ്രദേശത്തുള്ള കിംഗ് ഖാലിദ് എയർ ബേസിന്റെ പരിശീലന മേഖലയിൽ പരിശീലന ദൗത്യത്തിനിടെയാണ് സംഭവം. സൗദി പ്രതിരോധ മന്ത്രാലയത്തിന്റെ ഔദ്യോഗിക വാക്താവ് ബ്രിഗേഡിയർ ജനറൽ തുർക്കി അൽമാലികി അറിയിച്ചതാണ് ഇക്കാര്യം.

വിമാനത്തിലെ ജീവനക്കാർ വീരമൃത്യു വരിച്ചതായും ഔദ്യോഗിക വാക്താവ് തുടർന്നു. ഇനിയും ഹൂഥികളുടെ കലാപം അവസാനിച്ചിട്ടില്ലാത്ത യമൻ അതിർത്തി പ്രദേശത്താണ് സംഭവം. അപകടകാരണങ്ങൾ കണ്ടെത്താനുള്ള അന്വേഷണ സമിതിയുടെ ചുമതലകൾ ആരംഭിച്ചതായും അദ്ദേഹം സൂചിപ്പിച്ചു.